“అలా మొదలైంది” సినిమాతో నందిని రెడ్డి మంచి హిట్ అందుకున్నారు. నంది అవార్డు సైతం సొంతం చేసుకున్నారు. ఆ తర్వాత ఆమె చేసిన జబర్దస్త్ అపజయం పాలైంది. మూడేళ్లు గ్యాప్ తీసుకొని చేసిన కళ్యాణ్ వైభోగమే కూడా మంచి హిట్ ఇవ్వలేకపోయింది. దీంతో ఆమెకు అవకాశాలు ఇచ్చేవారు కరువు అయిపోయారు. నిర్మాతలు దూరం పెట్టడంపై నందిని రెడ్డి చాలా బాధపడిపోతున్నారు. ఎలాగైనా హిట్ అందుకోవాలని చూస్తున్నారు. అందుకే విజయ్ డెన్వర్ కొండని తన కథ ఒప్పించాలని చూస్తున్నారు. ప్రస్తుతం టాలీవుడ్ మంచి క్రేజ్ ఉన్న హీరోలు విజయ్ ఒకరు. అతనిని ఒప్పిస్తే నిర్మాతలు దొరుకుతారని నందిని భావిస్తున్నారు.
విజయ్ దేవరకొండ కూడా నందిని రెడ్డితో సినిమా చేయడానికి ఆసక్తిగా ఉన్నట్టు తెలిసింది. ఇది డైరక్టర్ పై ఉన్న నమ్మకం కాదంట. తనకి ఎవడె సుబ్రహ్మణ్యం సినిమాలో అవకాశం ఇచ్చిన అశ్వినీదత్ కుమార్తె స్వప్నాదత్ పైన మీద ఉన్న గౌరవంతో చేయడానికి రెడీగా ఉన్నారు. ప్రస్తుతం గీతా ఆర్ట్స్ బ్యానర్ 2 లో విజయ్ సినిమా చేస్తున్నారు. దీని తర్వాత మరో మూడు ప్రాజెక్ట్ లకు గ్రీన్ సిగ్నల్ ఇచ్చారు. వీటి తర్వాతే నందిని, విజయ్ దేవరకొండ ప్రాజక్ట్ సెట్స్ మీదకు వెళుతుంది. ఆ సినిమాపైనే లేడీ డైరక్టర్ ఆశలు పెట్టుకున్నారు.
