Nani: బలగం సినిమా గురించి ప్రశంసలు కురిపించిన నాచురల్ స్టార్ నాని!

నాచురల్ స్టార్ నాని ప్రస్తుతం తన 30 వసినిమా షూటింగ్ పనులలో బిజీగా ఉన్నారు. తాజాగా ఈయన దసరా సినిమా ద్వారా ప్రేక్షకుల ముందుకు వచ్చారు. ఈ సినిమా ఎంతో అద్భుతమైన విజయాన్ని అందుకోవడంతో నాని తన తదుపరి సినిమా షూటింగ్ పనులలో ఎంతో బిజీగా ఉన్నారు.అయితే తాజాగా నాని సోషల్ మీడియా వేదికగా బలగం సినిమా గురించి మాట్లాడుతూ సంచలన వ్యాఖ్యలు చేశారు. జబర్దస్త్ కమెడియన్ వేణు దర్శకత్వంలో ప్రేక్షకుల ముందుకు వచ్చిన బలగం సినిమా ఎలాంటి సక్సెస్ అందుకుందో అందరికీ తెలిసిందే ఒక చిన్న సినిమాగా విడుదలైన ఈ చిత్రం పెద్ద విజయాన్ని అందుకుంది.

ఈ సినిమా చూసి గత కొన్ని సంవత్సరాలుగా మాటలు లేనటువంటి అన్నదమ్ములు అక్క చెల్లెలు కూడా కలిశారు అంటే ఈ సినిమా ప్రభావం ప్రేక్షకులపై ఎలా ఉందో అర్థం అవుతుంది. తెలంగాణలోని ప్రతి ఒక్క మారుమూల గ్రామంలో కూడా పెద్ద ఎత్తున స్క్రీన్లు ఏర్పాటు చేసుకొని ఈ సినిమాని చూశారు అంటే ఈ సినిమాకు ఏ స్థాయిలో ఆదరణ లభించింది ఈ సినిమా ప్రేక్షకులను ఎలా ఆకట్టుకుందో తెలుస్తుంది.

ఈ విధంగా ఈ సినిమా ఎంతో సక్సెస్ కావడంతో పలువురు సినీ సెలబ్రిటీలు కూడా ఈ సినిమాపై ప్రశంసలు కురిపించారు. ఇకపోతే నాచురల్ స్టార్ నాని చాలా ఆలస్యంగా బలగం సినిమాని చూసినట్టు తెలుస్తోంది. ఈ సందర్భంగా ఈయన బలగం సినిమా గురించి సోషల్ మీడియా వేదికగా స్పందిస్తూ అసలు నేను ఇన్ని రోజులు బలగం సినిమాని చూడలేకపోయాను అంటే నమ్మలేకపోతున్నాను. ఇది కదా తెలుగు సినిమా అంటే.

ఇలాంటి ఒక గొప్ప సినిమాని అందించినందుకు డైరెక్టర్ వేణు దిల్ రాజు గారికి పెద్ద థ్యాంక్స్. ఇలాంటి ప్రెస్టేజియస్ మూవీలో నటించిన ప్రతి ఒక్కరికి ధన్యవాదాలు అంటూ ఈయన వీరిపై ప్రశంసలు కురిపించడమే కాకుండా వీరందరూ తమ పాత్రలలో నటించలేదని జీవించేశారు అంటూ నాని ఈ సందర్భంగా బలగం సినిమా గురించి చేసినటువంటి కామెంట్స్ వైరల్ అవుతున్నాయి.

ఆదిపురుష్ సినిమా రివ్యూ & రేటింగ్!

‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్