నాగశౌర్య, రష్మిక హీరో హీరోయిన్లుగా యువ డైరక్టర్ వెంకీ కుడుముల తెరకెక్కించిన ‘ఛలో’ మంచి విజయాన్ని అందుకుంది. తొలి చిత్రంతో హిట్ అందుకున్న ఈ డైరక్టర్ కి ఆఫర్లు వెల్లువెత్తాయి. స్టార్స్ తో సినిమాలు నిర్మించే హారికా హాసిని బ్యానర్ లో వెంకీ నెక్స్ట్ సినిమా చేయబోతున్నట్లు వార్తలు వినిపించాయి. అయితే అందులో నేచురల్ స్టార్ నాని హీరోగా నటించబోతున్నట్లు రెండు రోజులుగా వార్త చక్కర్లు కొట్టాయి. ఈ విషయంపై నేడు నాని స్పందించారు. “వెంకి కుడుములతో సినిమా చెయ్యబోతునట్లు వచ్చిన వార్తలో నిజం లేదు” అని స్పష్టం చేశారు. నాని ప్రస్తుతం నటుడిగానే కాకుండా నిర్మాతగాను బిజీగా ఉన్నారు.
అతను నిర్మాతగా మారి చేస్తోన్న తొలి సినిమా “అ!” ఈనెల 16న విడుదల కాబోతోంది. ఈ సినిమా పనులను ఓ వైపు చూసుకుంటూ, మరో వైపు తాను ద్విపాత్రాభినయం చేస్తున్న కృష్ణార్జున యుద్ధం సినిమా షూటింగ్ లో పాల్గొంటున్నారు. యువ దర్శకుడు మేర్లపాక గాంధీ దర్శకత్వంలో తెరకెక్కుతోన్న ఈ మూవీ త్వరలోనే రిలీజ్ కానుంది. దీని తర్వాత కూడా నాని డేట్స్ ఖాళీగా లేవు. ఈ సినిమా తరువాత కిశోర్ తిరుమల దర్శకత్వంలో ఒక సినిమా సినిమా చెయ్యబోతున్నారు. చిత్రలహరి అనే టైటిల్ పరిశీలిస్తున్న ఈ మూవీని మైత్రి మూవీ మేకర్స్ వారు నిర్మించనున్నారు. ఇదే సమయంలో నాగార్జునతో కలిసి ఓ మల్టీ స్టారర్ మూవీలో నటించనున్నారు. వీటి తర్వాత అవసరాల శ్రీనివాస్ తో కలిసి పనిచేయనున్నారు.
