Shyam Singha Roy: వరల్డ్ నెం.3 గా నాని సినిమా ఘనత!

గతేడాది విడుదలైన ‘శ్యామ్ సింగరాయ్’ సినిమా ఎంత పెద్ద సక్సెస్ అయిందో తెలిసిందే. క్రిస్మస్ కానుకగా విడుదలైన ఈ సినిమా డిసెంబర్ 24న ప్రేక్షకుల ముందుకొచ్చింది. ఏపీలో టికెట్ల గొడవ కారణంగా బాక్సాఫీస్ వద్ద ప్రతికూల పరిస్థితులు నెలకొన్నప్పటికీ.. ఈ సినిమా ఫైనల్ గా మంచి సక్సెస్ ను అందుకుంది. ‘శ్యామ్ సింగరాయ్’ థియేట్రికల్ హక్కులు రూ.20 కోట్లకు అమ్మితే అంతకు మించి ఐదారు రెట్లు ఎక్కువ షేర్ నిరాబట్టింది .

ఇప్పుడు ఓటీటీలో కూడా ఈ సినిమా సత్తా చాటుతోంది. నెట్ ఫ్లిక్స్ లో ఇటీవల విడుదలైన ఈ సినిమాకి మంచి రెస్పాన్స్ వస్తోంది. ఈ సినిమా గత వారానికి నెట్ ఫ్లిక్స్ లో అత్యధిక వరల్డ్ వైడ్ వ్యూయర్ షిప్ తెచ్చుకున్న సినిమాల్లో టాప్ 3 స్థానంలో నిలవడం విశేషం. నెట్ ఫ్లిక్స్ లో అత్యధిక మంది చూసిన సినిమా ఇదే. నెట్ ఫ్లిక్స్ లో టాప్ 3 లో చోటు దక్కించుకున్న ఏకైక ఇండియన్ సినిమా కూడా ఇదే కావడం గమనార్హం.

నెట్ ఫ్లిక్స్ లో ఎప్పటికప్పుడు వరల్డ్ వైడ్ వివిధ భాషల్లో ఎన్నో క్రేజీ సినిమాలు, వెబ్ సిరీస్ లు విడుదలవుతుంటాయి. దానికి వేరే దేశాల్లో కూడా స‌బ్‌స్క్రైబ‌ర్లు చాలా ఎక్కువ. ఇండియన్ స‌బ్‌స్క్రైబ‌ర్లు తక్కువే అయినప్పటికీ.. గత వారం నెట్ ఫ్లిక్స్ లో అత్యధిక వ్యూయర్ షిప్ తెచ్చుకున్న సినిమాగా ‘శ్యామ్ సింగరాయ్’ నిలిచింది. నాని కెరీర్ లో అత్యధిక బడ్జెట్ లో తెరకెక్కిన ఈ సినిమాకి అతడికి భారీ ఘనతను తీసుకొచ్చింది.

ఓటీటీలో విడుదలైన ‘వి’, ‘టక్ జగదీశ్’ సినిమాలు నిరాశ పరిచినా.. ‘శ్యామ్ సింగరాయ్’ మాత్రం మంచి ఫలితాన్ని రాబట్టింది. రాహుల్ సాంకృత్యాన్ డైరెక్ట్ చేసిన ఈ సినిమాను బోయనపల్లి నిర్మించారు. ఇందులో సాయి పల్లవి, కృతి శెట్టి హీరోయిన్లుగా నటించారు.

బంగార్రాజు సినిమా రివ్యూ & రేటింగ్!

Most Recommended Video

చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!