Nani: నాని కొడుకు అత్త అని పిలిచే హీరోయిన్ ఎవరో మీకు తెలుసా?

న్యాచురల్ స్టార్ నాని (Nani) ఏడాదికి ఒకటి లేదా రెండు సినిమాలను రిలీజ్ చేస్తూ కెరీర్ ను అద్భుతంగా ప్లాన్ చేసుకుంటున్న సంగతి తెలిసిందే. మరో నాలుగు వారాల్లో నాని నటించిన సరిపోదా శనివారం మూవీ రిలీజ్ కానుంది. వివేక్ ఆత్రేయ డైరెక్షన్ లో సరికొత్త కథాంశంతో తెరకెక్కిన ఈ సినిమాపై ఒకింత భారీ స్థాయిలో అంచనాలు నెలకొన్నాయి. ఈ సినిమాకు బిజినెస్ కూడా భారీ స్థాయిలోనే జరిగిందని తెలుస్తోంది. నాని కొడుకు జున్నుకు సైతం ప్రేక్షకుల్లో మంచి గుర్తింపు ఉందనే సంగతి తెలిసిందే.

నానితో కలిసి నేను లోకల్ (Nenu Local) , దసరా (Dasara) సినిమాలలో నటించిన కీర్తి సురేష్ (Keerthy Suresh) నాని కొడుకు గురించి మాట్లాడుతూ ఆసక్తికర వ్యాఖ్యలు చేశారు. నాని కొడుకు అసలు పేరు అర్జున్ కాగా జున్ను అనే ముద్దు పేరుతో అందరూ పిలుస్తారు. నాని కొడుకు జున్ను నా స్ట్రెస్ బస్టర్ అని కీర్తి సురేష్ చెప్పుకొచ్చారు. జున్ను నన్ను కీర్తి అత్త అని పిలుస్తాడని ఆమె కామెంట్లు చేశారు. జున్ను క్యూట్ నెస్ చూస్తే నాకు కూడా సంతోషంగా అనిపిస్తుందని ఆమె కామెంట్లు చేశారు.

జున్ను చాలా తొందరగా పెరుగుతున్నాడని జున్ను పెద్దవాడవడం సంతోషంగా ఉందని కీర్తి సురేష్ వెల్లడించారు. హైదరాబాద్ కు వస్తే కచ్చితంగా జున్నును కలిసే వెళ్తానని కీర్తి సురేష్ అభిప్రాయం వ్యక్తం చేశారు. జున్ను వాయిస్ మెసేజెస్ నేను వింటూ ఉంటానని కీర్తి సురేష్ పేర్కొన్నారు. హ్యాపీ బర్త్ డే కిట్టి అత్త అంటూ అర్జున్ నాకు పుట్టినరోజు శుభాకాంక్షలు చెప్పాడని ఆమె అన్నారు.

కీర్తి సురేష్ అర్జున్ గురించి చెప్పిన విషయాలు సోషల్ మీడియాలో వైరల్ అవుతున్నాయి. కీర్తి సురేష్ త్వరలో రఘు తాత (Raghu Thatha) అనే సినిమాతో ప్రేక్షకుల ముందుకు రానున్నారు. ఈ సినిమా ప్రమోషన్స్ లో భాగంగా కీర్తి ఈ విషయాలను వెల్లడించారు.