Nayanthara: నయన్ మార్కెట్ పై ఎఫెక్ట్ పడినట్లే!

సౌత్ ఇండియాలో స్టార్ హీరోయిన్ గా గుర్తింపు తెచ్చుకుంది నయనతార. తెలుగు, తమిళ భాషల్లో ఆమెకున్న క్రేజే వేరు. ఆమె పేరు చూసి థియేటర్లకు వెళ్లే ప్రేక్షకులు చాలా మంది ఉన్నారు. ఈ ఫాలోయింగ్ చూసుకునే ఆమె చాలా కాలంగా లేడీ ఓరియెంటెడ్ సినిమాలు చేస్తోంది. అందులో ఎక్కువ శాతం హిట్టు సినిమాలున్నాయి. అయితే కొన్నాళ్లుగా ఆమె నటిస్తోన్న సినిమాలు పెద్దగా వర్కవుట్ కావడం లేదు. కథల ఎంపిక విషయంలో ఆమె చేస్తోన్న పొరపాట్ల వలన సినిమాలు ఆశించిన స్థాయిలో ఆడడం లేదు.

రెండేళ్లుగా ఆమె నటిస్తోన్న సినిమాలకు హైప్ బాగానే వస్తుంది కానీ రిలీజ్ తరువాత ఆ సినిమాలు ప్రేక్షకులను మెప్పించలేకపోతున్నాయి. గతేడాది ‘నేత్రికన్’ అనే లేడీ ఓరియెంటెడ్ సినిమాలో నటించింది నయన్. ఓటీటీలో విడుదలైన ఈ సినిమా పెద్దగా ఆడలేదు. ఈ ఏడాది ‘కాతు వాక్కుల రెండు కాదల్’ అనే సినిమాలో విజయ్ సేతుపతి, సమంతలతో కలిసి స్క్రీన్ షేర్ చేసుకుంది. ఈ సినిమా కూడా పెద్దగా వర్కవుట్ అవ్వలేదు.

తెలుగులో కొంచెం గ్యాప్ తరువాత ‘గాడ్ ఫాదర్’ అనే సినిమాలో నటించింది ఈ బ్యూటీ. ఈ సినిమాలో నయన్ ఏ రకంగా ఆకట్టుకోలేకపోయింది. నయన్ ఫ్యాన్స్ సైతం ఆమె పాత్ర చూసి నిరాశ చెందారు. ఇక ఈ నెలలో అయితే నయన్ కి దెబ్బ మీద దెబ్బ పడింది. ముందుగా ఆమె నటించిన మలయాళ సినిమా ‘గోల్డ్’ రిలీజయింది. ఈ సినిమాకి ప్లాప్ టాక్ వచ్చింది. ‘ప్రేమమ్’ సినిమాను డైరెక్ట్ చేసిన అల్ఫాన్సో పుతెరిన్ తీసిన ఈ సినిమా తీవ్రంగా నిరాశ పరిచింది.

తాజాగా ‘కనెక్ట్’ అనే హారర్ సినిమాతో ప్రేక్షకుల ముందుకొచ్చింది నయన్. తెలుగు, తమిళ భాషల్లో విడుదలైన ఈ సినిమా కనీసపు కలెక్షన్స్ ను రాబట్టలేకపోయింది. వరుస ప్లాప్ లు నయన్ మార్కెట్ పై ఎఫెక్ట్ పడేలా చేస్తుంది.

18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!

ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?