సౌత్ ఇండస్ట్రీలో లేడి సూపర్ స్టార్ గా గుర్తింపు పొందిన నయనతార గురించి ప్రత్యేకంగా పరిచయం చేయాల్సిన అవసరం లేదు. తెలుగు, తమిళ్ భాషలలో ఎంతోమంది స్టార్ హీరోల సరసన నటించి తన అందం అభినయంతో ప్రేక్షకులను బాగా ఆకట్టుకుంది. ముఖ్యంగా నటనకు ప్రాధాన్యత ఉన్న లేడీ ఓరియంటెడ్ సినిమాలలో నటించి వాటికి కేరాఫ్ అడ్రస్ గా మారింది. ఇక ఇటీవల దర్శకుడు విగ్నేశ్ శివన్ ని వివాహాం చేసుకున్న సంగతి అందరికీ తెలిసిందే.
అంతే కాకుండా సరోగసి పద్ధతి ద్వారా ఇద్దరు కవల పిల్లలకు కూడా జన్మనిచ్చారు. పెళ్లి తర్వాత కూడా నయనతార వరుస సినిమాలకు కమిట్ అవుతూ ఫుల్ బిజీగా ఉంటుంది. నయనతార నటించిన కనెక్ట్ సినిమా విడుదలైన తర్వాత ఆమె నటించిన సినిమాలు ఇప్పటివరకు విడుదల కాలేదు. ఇక బాలీవుడ్ బాద్షా షారుఖ్ ఖాన్ సరసన నటించిన ‘జవాన్ ‘ సినిమా షూటింగ్ కూడా పూర్తి చేసుకుని విడుదల కు సిద్ధంగా ఉంది.
ఇక తమిళ్ లో జయం రవితో కలిసి నటిస్తున్న “ఇరైవన్” సినిమా కూడా షూటింగ్ పనులు పూర్తి చేసుకుని ప్రీ ప్రొడక్షన్ పనులు జరుపుకుంటుంది. ఈ సినిమాల తర్వాత మరో రెండు సినిమాలలో నటించటానికి నయనతార గ్రీన్ సిగ్నల్ ఇచ్చింది. ఇదిలా ఉండగా ఇటీవల ఒక కళాశాలలో నిర్వహించిన కార్యక్రమానికి నయనతార చీఫ్ గెస్ట్ గా హాజరు అయ్యింది. ఈ కార్యక్రమంలో నయనతార విద్యార్థులను ఉద్దేశిస్తూ ఆసక్తికర విషయాలు వెల్లడించింది.
ఈ క్రమంలో నయనతార మాట్లాడుతూ..కాలేజీ లైఫ్ చాలా ముఖ్యమైనదని, ఈ లైఫ్ ని సంతోషకరంగా ఎంజాయ్ చేయాలని చెప్పుకొచ్చింది. దశలోనే మనం తీసుకునే నిర్ణయాలు మన భవిష్యత్తును నిర్ణయియని వెల్లడించింది. ఈ దశలో మంచి సావాసం చేస్తే జీవితం సంతోషకరంగా ఉంటుంది. అలాకాకుండా చెడు సావాసాలకు అలవాటు పడితే జీవితం వేరే విధంగా ఉంటుంది.
చదువు పూర్తయిన తర్వాత మంచి విలువలతో కూడిన జీవితాన్ని ప్రారంభించినప్పుడే జీవితం అందంగా ఉంటుంది. ముఖ్యంగా విద్యార్థులందరూ తమ తల్లిదండ్రులకు ప్రాధాన్యత ఇవ్వాలి. రోజులో కేవలం పది నిమిషాలు వారితోగడిపితే చాలు అదే వారికి ఆనందం” అంటూ విద్యార్థులని ఉద్దేశిస్తూ ఆసక్తికర వ్యాఖ్యలు చేసింది.
రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!
మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!
