స్టార్ హీరోల సినిమాలకు కండిషన్లు పెడుతున్న నయనతార!

దక్షిణాది సినీ పరిశ్రమలో నయనతార కి క్రేజ్ మామూలుగా లేదు. ఆమె తో పాటు వచ్చిన హీరోయిన్స్ అందరికీ అవకాశలు తగ్గిపోతుంటే .. నయనకు మాత్రం డేట్స్ ఖాళీ ఉండడం లేదు. ఈ బ్యూటీకి విజయాలతో పాటు.. వివాదాలు కలసివచ్చాయి. ప్రస్తుతం టాలీవుడ్, కోలీవుడ్ నిర్మాతలు ఆమె డేట్స్ కోసం క్యూ కడుతున్నారు. అనేక షరతులు పెడుతున్నప్పటికీ ఆమె నటించాలని కోరుకుంటున్నారు. తాజాగా నయన పెట్టిన రూల్స్ అందరినీ అవాక్ అయ్యేలా చేస్తోంది. ఇదివరకటి కండిషన్ లో ప్రధానంగా.. ప్రమోషన్ కి హాజరుకానని చెప్పేది. అలాగే ఎక్కువగా రెమ్యునరేషన్ డిమాండ్ చేసేది. ఇప్పుడు ఎంతటి స్టార్ హీరో అయినా సరే తనని ఎవరూ తాకవద్దని రూల్ పెట్టిందంట. రీసెంట్ గా ఆమె సంప్రదించిన వారికీ ఇదే కండిషన్ చెబుతోందంటా.

ఈ విధంగానే జై సింహా సినిమాలో నటించడానికి ఒప్పుకున్నట్లు తెలిసింది. జై సింహ బాలకృష్ణ, నయనకు ఒక టచ్ సీన్ కూడా లేదు. దీని గురించే టాలీవుడ్ లో అందరూ మాట్లాడుకుంటున్నారు. దీనికి నయన ప్రియుడు విఘ్నేష్‌ శివన్‌ కారణమని తెలిసింది. అతనితో ప్రేమలో పడినప్పటి నుంచి రొమాన్స్ కథలను పక్కన పెట్టి, లేడి ఓరియెంటెడ్ కథలను ఎంచుకుంటున్నట్లు కోలీవుడ్ వర్గాలు తెలిపాయి. ప్రస్తుతం వీరిద్దరూ డేటింగ్ చేస్తున్నారని.. తొందర్లోనే పెళ్లి చేసుకోబోతున్నారని వెల్లడించారు. ఇదివరకు తన రెండు ప్రేమ కథలు పెళ్లి తీరం చేరకపోవడంతో.. ఈ సారి అలా జరగకూడదని నయనతార ఈ నిర్ణయాలు తీసుకున్నట్లు సమాచారం. ప్రస్తుతం ఆమె సైరా నరసింహా రెడ్డి సినిమాలో మెగాస్టార్ చిరంజీవికి జోడీగా నటించనుంది. ఇందులోనూ ఆమె హీరోకి అందనంత దూరంలో ఉంటుందా? లేకుంటే స్క్రిప్ట్ ప్రకారం నటిస్తుందా?  అనేది సస్పెన్స్ గా మారింది.