‘జవాన్‌’ సినిమాతో బాలీవుడ్‌లో తొలి సినిమానే అదిరిపోయే రెస్పాన్స్‌ అందుకుంది నయనతార. తొలి సినిమాతోనే రూ. వెయ్యి కోట్ల వసూళ్లు అంటే మామూలు విషయం కాదు కూడా. అయితే ఇక్కడో విషయం ఏంటంటే… రెండో సినిమా ఏంటి? అసలు నయన్‌ బాలీవుడ్‌లో మళ్లీ నటిస్తుందా అనేది కూడా ప్రశ్న. ఎందుకంటే సౌత్‌ నుండి ఇలా వెళ్లిన కొంతమంది హీరోయిన్లు ఒక్క సినిమాకే తిరిగి వచ్చేశారు. అయితే నయన్‌ అలా వచ్చేలా కనిపించడం లేదు. ఎందుకంటే రెండో సినిమా దాదాపు ఓకే అయ్యింది అంటున్నారు.
బాలీవుడ్‌లో హీరోయిన్‌ ఓరియెంటెడ్‌ సినిమాలు, అందులోనూ అగ్ర హీరో ఉన్నా హీరోయినే ప్రధానంగా సాగే సినిమాలు చేయాలంటే సంజయ్‌ లీలా భన్సాలీ ముందు వరుసలో ఉంటారు. గతంలో ఆయన చేసిన సినిమాలు చూస్తే అర్థమైపోతుంది. ఇప్పుడు ఆయన ‘బైజూ బావ్రా’ అనే సినిమా రూపొందిస్తున్నట్లు గత కొన్ని రోజులుగా వార్తలొస్తున్నాయి. దీని కోసం ఓ స్టార్‌ బాలీవుడ్ కథానాయికతో సంప్రదింపులు జరుగుతున్నాయని వార్తలొచ్చాయి. అయితే ఇప్పుడు ఆయన ఆలోచన మార్చుకున్నారని సమాచారం.
‘బైజూ బావ్రా’ అనే సినిమాలో కథానాయికగా నయనతారను తీసుకోవాలి అఉనకుంటున్నారట. అలాగే ఇప్పటికే దీని కోసం ఆమెతో సంప్రదింపులు కూడా జరిగాయి అని చెబుతున్నారు. అన్నీ అనుకున్నట్లుగా జరిగితే త్వరలోనే టీమ్‌ నుండి అధికారిక ప్రకటన వచ్చే అవకాశం ఉంది అంటున్నారు. హిందుస్థానీ క్లాసికల్‌ సంగీతకారుడి జీవితం చుట్టూ తిరిగే ఈ సినిమాలో నయనతార ఓ కీలక పాత్ర పోషించొచ్చని సమాచారం.
వచ్చే ఏడాదిలో ఈ సినిమా సెట్స్‌పైకి వెళ్లనుందని తెలుస్తోంది. ఈ లోపు (Nayanthara) నయన్‌ సౌత్‌ సినిమాలను పూర్తి చేసుకుని సిద్ధంగా ఉండాల్సి ఉంటుంది అంటున్నారు. అయితే భన్సాలీ సినిమా అంటే… నెలల్లో అవ్వదు, ఏళ్ల తరబడి ఉంటుంది అనే టాక్‌ ఉంది. కాబట్టి నయన్‌ ఈ సినిమా కోసం కాస్త ఎక్కువ సమయమే కేటాయించక తప్పదు. అలాగే సినిమా ప్రచారానికి కూడా వెళ్లాలి. మరి నయనతార అలా చేస్తుందా లేదా అనేది చూడాలి.
గత 10 సినిమాల నుండి రామ్ బాక్సాఫీస్ పెర్ఫార్మన్స్ ఎలా ఉందంటే..?
‘బిగ్ బాస్ 7’ కంటెస్టెంట్ శుభ శ్రీ గురించి ఈ 14 విషయాలు మీకు తెలుసా?
‘బిగ్ బాస్ 7’ కంటెస్టెంట్ టేస్టీ తేజ గురించి 10 ఆసక్తికర విషయాలు
Home