‘అన్ స్టాపబుల్ సీజన్ 2’ ఎపిసోడ్ కు పవన్ కళ్యాణ్ హాజరైన సంగతి తెలిసిందే. ఫిబ్రవరిలో ఈ ఎపిసోడ్ ఆహాలో స్ట్రీమింగ్ కానుంది. అందుకు ఇంకా చాలా టైం ఉండటంతో.. ప్రస్తుతానికి ఓ ప్రోమోని వదిలారు ఆహా వారు. ఇక ఈ ప్రోమో గురించి మాట్లాడుకుంటే.. ఇది 1 నిమిషం 39 సెకన్ల నిడివి కలిగి ఉంది.అన్నపూర్ణ స్టూడియోస్ లో ఈ ఎపిసోడ్ ను షూట్ చేశారు. ప్రోమో ఆరంభంలో పవన్… ఎంట్రీ ఇవ్వగానే అతనికి బాలయ్య గ్రాండ్ వెల్కమ్ చెప్పినట్టు స్పష్టమవుతుంది. అటు తర్వాత సెట్లోకి తీసుకెళ్లి ఆడియన్స్ ను ఫిదా చేశారు.
తర్వాత ప్రశ్నల వర్షం కురిపించడం స్టార్ట్ చేశారు. ‘మీ విమర్శల్లో వాడి వేడి డబుల్ ఇంపాక్ట్ అయ్యింది’, ‘మీ అన్నయ్య చిరంజీవి గారి నుండి నేర్చుకున్నది ఏంటి? వద్దనుకున్నవి ఏంటి?’ ‘తెలుగు రాష్ట్రాల్లో నీ అభిమాని కాని వాళ్ళు అంటూ లేరు. అలాంటి ప్రేమ ఓట్లుగా ఎందుకు కన్వర్ట్ అవ్వలేదు?’ వంటి ప్రశ్నలు బాలయ్య.. పవన్ ను అడిగాడు.
ఆ ప్రశ్నలకు పవన్ చెప్పే సమాధానాలు కట్ చేస్తూ ప్రోమోని వదిలారు. ఈ ప్రోమో చాలా ఇంట్రెస్టింగ్ గా ఉంది. బాలయ్య, పవన్.. ఇద్దరి లుక్స్ కూడా చాలా బాగున్నాయి. అభిమానులకు మాత్రమే కాదు కామన్ ఆడియన్స్ కు కూడా ఈ ప్రోమో ఎపిసోడ్ పై అంచనాలు పెంచే విధంగా ఉందని చెప్పొచ్చు. ఇంకెందుకు ఆలస్యం ఆ ప్రోమోని మీరు కూడా ఓ లుక్కేయండి:
Home