ప్రముఖ మ్యూజిక్ డైరెక్టర్లలో ఒకరైన అనిరుధ్ రెమ్యునరేషన్ ప్రస్తుతం 10 కోట్ల రూపాయల రేంజ్ లో ఉంది. తమిళంలో తెరకెక్కుతున్న ప్రతి పెద్ద సినిమాకు అనిరుధ్ మ్యూజిక్ డైరెక్టర్ గా వ్యవహరిస్తున్నారు. అయితే ఈ మధ్య కాలంలో అనిరుధ్ ప్రేక్షకుల అంచనాలను పూర్తిస్థాయిలో అందుకోవడంలో ఫెయిల్ అవుతున్నారు. లియో మూవీ మ్యూజిక్, బిజీఎం విషయంలో అనిరుధ్ పై ఒకింత విమర్శలు వ్యక్తమయ్యాయి. తాజాగా భారతీయుడు2 గ్లింప్స్ రిలీజ్ కాగా ఈ గ్లింప్స్ కు అనిరుధ్ ఇచ్చిన బీజీఎం ఆకట్టుకునేలా లేదు. అనిరుధ్ ను అప్పుడు పొగిడిన వాళ్లే ఇప్పుడు తిడుతుండటం హాట్ టాపిక్ అవుతోంది.
అనిరుధ్ ఎక్కువ సంఖ్యలో సినిమాలకు గ్రీన్ సిగ్నల్ ఇవ్వడం వల్లే ఆ సినిమాలకు పూర్తిస్థాయిలో న్యాయం చేయలేకపోతున్నారని కామెంట్లు వినిపిస్తున్నాయి. ఈ కామెంట్లపై అనిరుధ్ ఎలా స్పందిస్తారో చూడాల్సి ఉంది. భారతీయుడు సినిమాకు ఏఆర్ రెహమాన్ మ్యూజిక్ డైరెక్టర్ కాగా ఆ సినిమా పాటలను ఈ జనరేషన్ ప్రేక్షకులు సైతం ఎంతగానో ఇష్టపడతారనే సంగతి తెలిసిందే.
ఇండియన్2 సినిమా 400 కోట్ల రూపాయలకు పైగా బడ్జెట్ తో తెరకెక్కుతుండగా వచ్చే ఏడాది సమ్మర్ కానుకగా ఈ సినిమా థియేటర్లలో విడుదల కానుంది. ఇండియన్2 సినిమా రికార్డు స్థాయిలో కలెక్షన్లను సాధిస్తుందని అభిమానులు భావిస్తున్నారు. ఇండియన్2 సినిమా కోసం శంకర్ ఎంతో కష్టపడ్డారని తెలుస్తోంది. దర్శకుడు శంకర్ ఇండియన్3 సినిమాను సైతం వచ్చే ఏడాది రిలీజ్ చేస్తారని ప్రచారం జరుగుతోంది.
కోలీవుడ్ మీడియాలో ఇందుకు సంబంధించి వార్తలు వస్తుండగా అధికారికంగా క్లారిటీ రానుంది. గేమ్ ఛేంజర్ సినిమా సైతం వచ్చే ఏడాది విడుదల కానుంది. శంకర్ బ్యాక్ టు బ్యాక్ బ్లాక్ బస్టర్ హిట్లను సొంతం చేసుకుంటారేమో చూడాలి. విక్రమ్ సినిమాతో కమల్ హాసన్ క్రేజ్ అంతకంతకూ పెరుగుతుండటం గమనార్హం.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
Home