త్రివిక్రమ్ ఓవర్ ఇన్వాల్వ్మెంట్ పై డిస్కషన్స్!

మలయాళంలో సక్సెస్ అయిన ‘అయ్యప్పనుమ్ కోశియుమ్’ చిత్రాన్ని తెలుగులో రీమేక్ చేస్తున్న సంగతి తెలిసిందే. పవన్ కళ్యాణ్-రానా ప్రధాన పాత్రల్లో దర్శకుడు సాగర్ చంద్ర ఈ రీమేక్ ని తెరకెక్కిస్తున్నాడు. తాజాగా ఈ సినిమా షూటింగ్ హైదరాబాద్‌లోని అల్యూమినియం ఫ్యాక్టరీలో మొదలైంది. పవర్ స్టార్ పవన్ కళ్యాణ్ షూటింగ్ స్పాట్‌కు వచ్చారు. పవన్ ఎంట్రీకి సంబంధించిన వీడియోను చిత్ర నిర్మాణ సంస్థ సితార ఎంటర్‌టైన్మెంట్స్ విడుదల చేసింది. ఈ వీడియోలో త్రివిక్రమ్ ని కూడా బాగా హైలైట్ చేసి చూపించారు.

పవన్ తో పాటు నడిచి వచ్చినప్పుడు స్లోమోషన్ షాట్స్ లో త్రివిక్రమ్ ని చూపించారు. ఈ సినిమాకి త్రివిక్రమ్ డైలాగ్స్ తో పాటు స్క్రీన్ ప్లే అందిస్తున్నారు. కాబట్టి సినిమా సెట్స్ లో ఆయన కూడా జాయిన్ అయ్యారు. కానీ డైరెక్టర్ కంటే ఎక్కువగా ఆయన్ని హైలైట్ చేస్తుండడంతో నెటిజన్ల నుండి విమర్శలు వస్తున్నాయి. త్రివిక్రమ్ టాలెంటెడ్ డైరెక్టర్ అనే సంగతి అందరికీ తెలిసిందే. కానీ సాగర్ చంద్ర లాంటి యంగ్ టాలెంట్ కి పవన్ తో సినిమా ఛాన్స్ వచ్చినప్పుడు త్రివిక్రమ్ కాస్త ఫ్రీడమ్ ఇస్తే బాగుంటుందనేది అందరి వాదన.

ఈ విషయంలో సోషల్ మీడియాలో చర్చలు జరుగుతున్నాయి. ఈ క్రమంలో ఓ నెటిజన్.. ఇదంతా కుట్ర అని.. సినిమా హిట్ అయితే ఆ క్రెడిట్ అంతా త్రివిక్రమ్ కి వస్తుందని.. అదే ఫెయిల్ అయితే సాగర్ చంద్రని తప్పుబడతారంటూ కామెంట్ పెట్టాడు. త్రివిక్రమ్ ని గెస్ట్ గా సెట్ కి తీసుకొస్తే.. ఆయన డైరెక్టర్ మాదిరి నడుచుకుంటున్నాడని.. పవన్ తో స్లోమోషన్ షాట్స్ మరీ ఓవరాక్షన్ లా ఉందంటూ మరో నెటిజన్ కామెంట్ పెట్టాడు. ఇదంతా చూస్తుంటే త్రివిక్రమ్ కి సాగర్ చంద్ర అసోసియేట్ లా ఉన్నాడంటూ మరికొందరు కామెంట్స్ పెడుతున్నారు.

Most Recommended Video

మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!