టాలీవుడ్ ఫిల్మ్ ఇండస్ట్రీ లో ప్రస్తుతం రాబోయే సినిమాల్లో భారీ అంచనాలు ఉన్న సినిమా ఏమైనా ఉంది అంటే…అది పవర్ స్టార్ పవన్ కల్యాణ్ ‘సర్దార్ గబ్బర్ సింగ్’ మాత్రమే అని చెప్పక తప్పదు. గబ్బర్ సింగ్ భారీ హిట్ తరువాత ఆ సినిమాకు సీక్వెల్ గా వస్తున్న ఈ సినిమాపై అభిమానులు భారీ ఆశలే పెట్టుకున్నారు. ఇదిలా ఉంటే తాజాగా విడుదలైన సర్దార్ గబ్బర్ సింగ్ ఫర్స్ట్ టీజర్ విషయంలో ఇండస్ట్రీ లో నెగెటివ్ టాక్స్ మొదలయ్యాయి. అసలు ఏం జరిగింది…విషయం ఏంటి అంటే….తాజాగా విడుదలైన ఈ టీజర్ లో అసలు పవన్ డైలాగ్స్ ను పక్కన పెట్టి కేవలం మ్యూజిక్ ట్రాక్ తో ఎటువంటి మ్యాటర్ లేకుండా పవన్ కళ్యాణ్ ని స్టైలిష్ గా చూపించి మమ అని అనిపించారని ప్రచారం జరుగుతుంది.
ఇక ఆది అభిమానుల్లోనూ, ప్రేక్షకుల్లోనే కాకుండా….ఈ ఫస్ట్ టీజర్ గొడవ ఇండస్ట్రీ లోను, చిత్ర యూనిట్ లోనూ దుమారం లేపుతుంది. ఇక దీనిపై హూటా హుటిన రంగంలోకి దిగిన పవన్ కల్యాణ్…టీజర్ లో జరిగిన తప్పిదాలను గుర్తించాలంటూ ఇప్పటికే చిత్ర యూనిట్ కి సూచించారని తెలుస్తుంది. అదే క్రమంలో మరో సరికొత్త టీజర్ ను త్వరలోనే డైలాగ్ తో కలిపి విడుదల చెయ్యమని అందులోనూ ఇది సర్ధార్ గబ్బర్ సింగ్ ఆడియో ఫంక్షన్ కంటే ముందుగానే రిలీజ్ చేసేలా ప్లాన్ చేయమని పవన్ కళ్యాణ్ భావిస్తున్నాడంట. ఇక దీనిపై నిర్మాతలతో మాట్లాడిన పవన్ ఈ టీజర్ కు వస్తున్న నెగెటివ్ పబ్లిసిటీ పై ఆలోచించి పనిచెయ్యమని వార్నింగ్ సైతం ఇచ్చినట్లు సమాచారం. ఇక మరో పక్క ఫాన్స్ మాత్రం ఈ టీజర్ కి ఫిదా అయిపోయారు అని సైతం టాలీవుడ్ లో టాక్.
