బుల్లితెర ప్రేక్షకులు చాలారోజుల నుంచి ఎదురుచూస్తున్న బిగ్ బాస్ షో సీజన్ 5 ఆదివారం రోజున నాగార్జున హోస్ట్ గా ప్రారంభమైంది. టాలీవుడ్ హ్యాండ్సమ్ హీరోలలో ఒకరైన నాగార్జున లాంఛింగ్ ఎపిసోడ్ లో ఫుల్ ఎనర్జీతో కనిపించి ప్రేక్షకులను ఆకట్టుకున్నారు. వరుసగా సీజన్ 3, సీజన్ 4, సీజన్ 5లకు నాగార్జున హోస్ట్ గా వ్యవహరించారు. బిగ్ బాస్ షో తెలుగు సీజన్ 1 జూనియర్ ఎన్టీఆర్ హోస్ట్ గా ప్రారంభమైన సంగతి తెలిసిందే.
అయితే వేర్వేరు కారణాల వల్ల ఎన్టీఆర్ బిగ్ బాస్ షో సీజన్2కు హోస్ట్ గా చేసే అవకాశం వచ్చినా ఆ అవకాశాన్ని వదులుకున్నారు. బిగ్ బాస్ సీజన్2 కు నాని హోస్ట్ గా వ్యవహరించగా నాని సైతం సీజన్ 2కు మాత్రమే పరిమితమయ్యారు. అయితే ఎన్టీఆర్ అభిమానులు మాత్రం బిగ్ బాస్ షోకు ఎన్టీఆర్ హోస్ట్ గా వ్యవహరిస్తే బాగుంటుందని సోషల్ మీడియా వేదికగా అభిప్రాయపడుతున్నారు. నెటిజన్లు సైతం బిగ్ బాస్ షోకు హోస్ట్ గా ఎన్టీఆర్ బాగుంటారని కామెంట్లు చేస్తున్నారు.
బిగ్ బాస్ సీజన్ 6కు అయినా ఎన్టీఆర్ ను హోస్ట్ గా తీసుకొనిరావాలని ఆయన అభిమానులు కోరుకుంటున్నారు. మరి బిగ్ బాస్ నిర్వాహకులు ఆఫర్ ఇస్తే ఆ ఆఫర్ కు ఎన్టీఆర్ యస్ చెబుతారో నో చెబుతారో చూడాల్సి ఉంది. నాగార్జున బాగానే చేస్తున్నారని అయితే ఎన్టీఆర్ బెస్ట్ అని నెటిజన్లు అభిప్రాయపడుతున్నారు. బిగ్ బాస్ సీజన్ 6కు హోస్ట్ మారే అవకాశం ఉందని వార్తలు వస్తున్న నేపథ్యంలో ఎన్టీఆర్ బిగ్ బాస్ షోకు రీఎంట్రీ ఇస్తారో లేదో చూడాల్సి ఉంది.
Most Recommended Video
బిగ్ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
Home