యంగ్ టైగర్ ఎన్టీఆర్ బిగ్ బాస్ షో సీజన్ 1తో హోస్ట్ గా ప్రేక్షకులను ఆకట్టుకున్నారు. బిగ్ బాస్ షో తర్వాత సీజన్లకు కూడా హోస్ట్ చేసే అవకాశం వచ్చినా కొన్ని కారణాల వల్ల ఎన్టీఆర్ ఆ షోను హోస్ట్ చేయలేదు. అయితే ఎన్టీఆర్ ప్రస్తుతం ఎవరు మీలో కోటీశ్వరులు షోకు హోస్ట్ గా వ్యవహరిస్తున్నారు. తొలి ఎపిసోడ్ లో తారక్ హోస్ట్ గా చరణ్ గెస్ట్ గా హాజరై సందడి చేశారు.
అయితే తొలి ఎపిసోడ్ ను చూసిన ప్రేక్షకులు షోను మరింత ఎక్కువ సమయం ప్రసారం చేయాలని కోరుతున్నారు. హోస్ట్ గా జూనియర్ ఎన్టీఆర్ మెప్పిస్తున్నారని అయితే యాడ్లతో కలిపి కేవలం గంట మాత్రమే షో ప్రసారమవుతుండటం నిరాశకు గురి చేస్తుందని నెటిజన్లు అభిప్రాయపడుతున్నారు. యాడ్లు లేకుండా షో ప్రసారమయ్యే సమయం కేవలం 38 నిమిషాల నుంచి 40 నిమిషాలు మాత్రమే కావడంతో ప్రేక్షకులు రాత్రి 8.30 గంటల గంటల నుంచి 9.45 గంటల వరకు లేదా 10.00 గంటల వరకు షోను ప్రసారం చేయాలని కోరుతున్నారు.
మరి జెమినీ ఛానల్ నిర్వాహకులు నెటిజన్ల కామెంట్ల విషయంలో ఏ విధంగా రియాక్ట్ అవుతారో చూడాల్సి ఉంది. అయితే ఈ షోకు రికార్డు స్థాయిలో టీఆర్పీ రేటింగ్ వస్తుందని నెటిజన్లు, షో నిర్వాహకులు భావిస్తున్నారు. సెప్టెంబర్ 2వ తేదీన ఈ షోకు సంబంధించిన టీఆర్పీ రేటింగ్ రానుందని సమాచారం. సోమవారం నుంచి గురువారం వరకు ఈ షో ప్రసారం కానుంది. రాబోయే రోజుల్లో మరి కొందరు సెలబ్రిటీలు ఈ షోలో పాల్గొననున్నారని సమాచారం.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home