Sunil: పుష్పరాజ్ కు సునీల్ చెమటలు పట్టిస్తాడా?

November 7, 2021 / 02:31 PM ISTByFilmy Focus

Join Us

Sunil: పుష్పరాజ్ కు సునీల్ చెమటలు పట్టిస్తాడా?

స్టార్ డైరెక్టర్ సుకుమార్ దర్శకత్వంలో అల్లు అర్జున్ హీరోగా తెరకెక్కుతున్న పుష్ప సినిమా పార్ట్1 డిసెంబర్ నెల 17వ తేదీన రిలీజ్ కానుంది. ఇప్పటికే ఈ సినిమాకు సంబంధించిన షూటింగ్ దాదాపుగా పూర్తి కావడంతో సినిమా రిలీజ్ డేట్ లో మార్పు లేదని తెలుస్తోంది. ఇప్పటికే పుష్ప సినిమా నుంచి రిలీజైన పాటలు ప్రేక్షకులను ఆకట్టుకోవడంతో పాటు సినిమాపై ఆసక్తిని పెంచాయి. ఈ సినిమాలో సునీల్ మంగళం శ్రీను అనే పాత్రలో నటిస్తున్నాడని ప్రకటిస్తూ చిత్ర యూనిట్ నుంచి పోస్టర్ రిలీజైంది.

పుష్ప సినిమాలో సునీల్ పాత్ర సర్ప్రైజింగ్ గా ఉండనుందని పోస్టర్ ను చూస్తుంటే అర్థమవుతోంది. మంగళం శ్రీను పాత్రలో ఉన్న సునీల్ పోస్టర్ పై నెటిజన్ల నుంచి భిన్నాభిప్రాయాలు వ్యక్తమవుతున్నాయి. మంగళం శ్రీను పాత్రతో సునీల్ జాతకం మారుతుందని కొంతమంది కామెంట్లు చేస్తుండగా మరి కొందరు మాత్రం సుకుమార్ సునీల్ తో రిస్క్ చేస్తున్నాడని అభిప్రాయపడుతున్నారు. అయితే సినిమాలో మంగళం శ్రీను పాత్రతో సునీల్ పుష్పరాజ్ పాత్ర పోషిస్తున్న బన్నీకి చుక్కలు చూపిస్తాడని, చెమటలు పట్టిస్తాడని తెలుస్తోంది.

తెలుగుతో పాటు ఇతర భాషల్లో కూడా పాన్ ఇండియా రేంజ్ లో ఈ సినిమా రిలీజ్ కానుంది. ఈ సినిమాలో మెయిన్ విలన్ గా ఫహద్ ఫాజిల్ నటిస్తుండగా ఫహద్ ఫాజిల్ ఇంట్రో లుక్ ప్రేక్షకులను ఆకట్టుకుంది. పుష్ప సినిమాపై భారీగా అంచనాలు పెంచుతున్న సుకుమార్ ఆ అంచనాలను అందుకుంటాడో లేదో చూడాల్సి ఉంది. 100 కోట్ల రూపాయలకు పైగా భారీ బడ్జెట్ తో మైత్రీ మూవీ మేకర్స్ బ్యానర్ పై ఈ సినిమా తెరకెక్కుతోంది.