మహేష్, విజయశాంతి సీరియస్ పోస్టర్ వెనుక అంత కథ ఉందా..?

2006 వచ్చిన ‘నాయుడమ్మ’ సినిమా తర్వాత మరో చిత్రం చేయలేదు లేడీ సూపర్ స్టార్ విజయశాంతి. దాదాపు 13 సంవత్సరాల తర్వాత ఇప్పుడు.. మహేష్ బాబు ‘సరిలేరు నీకెవ్వరు’ చిత్రంలో నటిస్తుంది. అపజయమెరుగని దర్శకుడు.. అనిల్ రావిపూడి దర్శకత్వంలో తెరకెక్కిన ఈ చిత్రం సంక్రాంతి కానుకగా జనవరి 11న విడుదల కాబోతుంది. ఈ చిత్రంలో విజయశాంతి కొడుకు కోసం ఎదురు చూసే ఓ తల్లిగాను అలాగే ఓ పొలిటికల్ లీడర్ గా కనిపించబోతుందని సమాచారం.

ఈ క్రమంలో ఆమెకు సాయం చేసే పాత్రలో మహేష్ బాబు కనిపిస్తాడని తెలుస్తుంది. ఇక ఈ చిత్రానికి సంబందించిన ఓ పోస్టర్ నెట్టింట్లో తెగ హల్ చల్ చేస్తుంది. ఈ పోస్టర్ లో విజయశాంతి, మహేష్ చాలా సీరియస్ గా కూర్చొని ఉన్నారు. ఇది చూసిన వారంతా ఇదే సినిమాలో క్లైమాక్స్ సీన్ అని కామెంట్స్ చేస్తున్నారు. ఊర్లో ఉన్న సమస్యలు అన్నీ తీర్చేసిన మహేష్.. అలాగే కొడుకు ఇక లేడని నిజం తెలుసుకున్న విజయశాంతి.. ‘తిరిగి మిలిటరీకి వెళ్ళొద్దు.. నా కొడుకుగా ఇక్కడే ఉండిపో’ అంటూ ఎమోషనల్ గా చెప్పే డైలాగ్ కి మహేష్ ఆలోచిస్తున్నాడంటూ’ కామెంట్స్ చేస్తున్నారు. మరి వారి ప్రెడిక్షన్ ఎంత వరకూ కరెక్టో తెలియాలి అంటే సినిమా విడుదలయ్యే వరకూ వేచి చూడాల్సిందే..!

ఈ ఏడాది ఓవర్సీస్ లో అత్యధిక కలెక్షన్లు రాబట్టిన సినిమాలు!
2019లో మరణించిన తారలు?
ఈ ఏడాది డిజాస్టర్ సినిమాలు ఇవే..?