War 2: వార్ 2తో ఎన్టీఆర్ డ్రీమ్ ఫుల్ ఫిల్ అవుతుందా?

ఇండియన్ సినిమాలు సాధిస్తున్న వసూళ్లు రోజు రోజుకీ కొత్త బెంచ్‌మార్క్‌లను ఏర్పరుస్తున్నాయి. ఒకప్పుడు రూ.100 కోట్లు వసూలు చేయడమే గొప్పగా భావించేవాళ్లు. కానీ ఇప్పుడు ₹2000 కోట్ల క్లబ్ దిశగా పయనిస్తున్న సినిమాలు ఉన్నాయి. అలాంటిదే టాలీవుడ్ స్టార్ హీరో ఎన్టీఆర్ (Jr NTR)  ముందున్న ‘వార్ 2’  (War 2) ఛాన్స్. ఈ సినిమాతో తారక్ తొలి సారి రూ.500 కోట్ల క్లబ్ లోకి ఎంట్రీ ఇవ్వనున్నారనే అంచనాలు చుట్టుముట్టుతున్నాయి. ఇప్పటికే తారక్ నటించిన ‘దేవర పార్ట్ 1’ (Devara) బాక్సాఫీస్ వద్ద రూ.400 కోట్లకు పైగా వసూలు చేసినా, 500 కోట్ల మార్క్ దాటలేకపోయింది.

War 2

అయితే ఇప్పుడు హృతిక్ రోషన్ (Hrithik Roshan)  సరసన బాలీవుడ్ యాక్షన్ యూనివర్స్ లోకి అడుగుపెడుతున్న తారక్‌కి ఇది గోల్డెన్ ఛాన్స్. అయాన్ ముఖర్జీ దర్శకత్వం వహిస్తున్న ఈ సినిమాలో తారక్ నెగటివ్ షేడ్స్ ఉన్న పవర్‌ఫుల్ పాత్రలో కనిపించనున్నారని టాక్. ఈ మూవీ (War 2) 2019లో రిలీజ్ అయిన ‘వార్’కి సీక్వెల్ కావడంతోనే అంచనాలు మామూలుగా లేవు. ఆ సినిమాకు దేశ వ్యాప్తంగా క్రేజ్ ఉండటమే కాకుండా, ఇప్పుడు తారక్ జాయిన్ కావడంతో సౌత్‌లో కూడా భారీ ఓపెనింగ్స్ ఖాయం అంటున్నారు ట్రేడ్ వర్గాలు.

జాతీయ స్థాయిలో రెండు భిన్న ఇండస్ట్రీలు కలిసిన ప్రాజెక్ట్ కావడంతో మార్కెట్ పరంగా ఇది బెంచ్‌మార్క్ ఫిల్మ్ కానుందనడంలో సందేహమే లేదు. అయితే ఇదే రోజు రజినీకాంత్ (Rajinikanth) – లోకేష్ (Lokesh Kanagaraj)  కాంబినేషన్‌లో వస్తున్న ‘కూలీ’ (Coolie) మూవీ కూడా రిలీజ్ అవుతోంది. ఇది సౌత్‌లో వన్ సైడెడ్ క్రేజ్ తెచ్చుకోనుంది. అయినా ‘వార్ 2’ నార్త్‌లో పూర్తి డామినేషన్ చూపిస్తుంది. తారక్ పాత్రకు ఉన్న ఆసక్తి దృష్ట్యా, సౌత్‌లోనూ మంచి ఆదరణ లభించే అవకాశాలున్నాయి.

ఇక హృతిక్ – తారక్ కలయిక చూసేందుకు ప్రేక్షకులు ఎగబడే అవకాశం ఉంది. ఇక మొత్తానికి తారక్ కెరీర్‌లో ‘వార్ 2’ ఒక కీలక మలుపు కావడం ఖాయం. ఆగస్టు 14న రిలీజ్ కానున్న ఈ మూవీ ఎంతగా వసూలు చేస్తుంది? తారక్ రూ.500 కోట్ల క్లబ్‌ను అధిగమిస్తారా? అన్నది చూసేందుకు అభిమానులు ఆసక్తిగా ఎదురుచూస్తున్నారు.