ఎప్పుడో నాలుగైదేళ్ల క్రితం ఇండస్ట్రీకి వచ్చినా ‘ఇస్మార్ట్‌శంకర్‌’తో హిట్‌ రుచి చూసింది నిధి అగర్వాల్‌. అచ్చంగా పూజా హెగ్డేలాగా. ‘ఇస్మార్ట్‌..’ తర్వాత వరుస అవకాశాలతో దూసుకుపోతుంది. ప్రస్తుతం పవన్ కల్యాణ్‌తో ‘హరి హర వీరమల్లు’ సినిమాలో నటిస్తోంది. ఈ సినిమా తర్వాత నిధి మరో స్టార్ హీరోతో నటించే అవకాశాన్ని పట్టేసింది అంటున్నాయి టాలీవుడ్‌ వర్గాలు. మహేష్ – త్రివిక్రమ్‌ కాంబినేషన్‌లో రూపొందనున్న #SSMB28లో నిధి అగర్వాల్‌ పేరును పరిశీలిస్తున్నారట.
నిజానికి ఈ సినిమాలో పూజా హెగ్డేను తీసుకుంటారని వార్తలొచ్చాయి. అయితే పూజ ప్రస్తుతం సౌత్‌ అండ్‌ నార్త్‌లో బిజీ అయిపోయింది. దీంతో మహేష్ సినిమాకు డేట్స్‌ అరేంజ్‌ చేసే పరిస్థితి లేదంట. దీంతో గురూజీ నెక్స్ట్‌ ఆలోచన నిధి అగర్వాల్‌ అట. ఇప్పటికే ఈ సినిమాకు సంబంధించి నిధితో మాట్లాడట. ఇంత పెద్ద అవకాశాన్ని ఆమెందుకు వదులుకుంటుంది. ఠక్కున ఓకే చెప్పేసింది అనే మాటలు కూడా వినిపిస్తున్నాయి. అయితే దీనిపై ఎలాంటి అధికారిక సమాచారం లేదు.
ఇక్కడో గుర్తుంచుకోవాల్సిన విషయం ఇంకొకటి ఏంటంటే. నిధి ప్రస్తుతం మహేష్‌బాబు మేనల్లుడు గల్లా అశోక్‌తో నటిస్తోంది. అంటే మేనల్లుడు టు మామ రూట్‌లో వచ్చిందని కూడా అనుకోవచ్చు. గల్లా అశోక్‌ – శ్రీరామ్‌ ఆదిత్య కాంబినేషన్‌లో గతేడాది ఈ సినిమా మొదలైంది. అయితే కరోనా పరిస్థితుల కారణంగా సినిమా చిత్రీకరణ వాయిదా పడుతూ వచ్చింది. గత కొన్ని రోజులుగా అయితే సినిమా ముచ్చట్లు ఏమీ వినిపించడం లేదు. ఈలోగా నిధి .. పవన్ సినిమా ఓకే చేసేసింది. ఇప్పుడు మహేష్ అంటున్నారు.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home