‘ఆంటీ కూతురా…’ అంటున్న కొణిదెల అల్లుడు

December 8, 2020 / 11:47 AM ISTByFilmy Focus

Join Us

పెళ్లి సంగీత్‌ అంటే… అందులో చిరంజీవి పాట కచ్చితంగా ఉండాల్సిందే. పాట అనడం కంటే పాటలు అనడం బెటర్‌. హిట్‌ సాంగ్స్‌ని రీమిక్స్‌ చేసి మరీ డీజే భజాయిస్తారు. అలాంటి కొణిదెల కుటుంబంలో పెళ్లి అంటే ఇంకెంత ఉండాలి. నిహారిక-చైతన్య పెళ్లిలో అదే జరుగుతోంది. సోమవారం జరిగిన సంగీత్‌లో చిరు పాటలకు మొత్తం కుటుంబం చిందులేసిందట. అందులో కొన్ని వీడియోలు బయటికొచ్చాయి. వాటిలో ‘ఆంటీ కూతురా…’ పాట ఒకటి.

నిహారిక-చైతన్య వివాహం కోసం మొత్తం కొణిదెల కుటుంబం, అల్లు కుటుంబం, జొన్నలగడ్డ కుటుంబం, స్నేహితులు ఇప్పటికే ఉదయ్‌పూర్‌ చేరుకున్నారు. అందరూ కలసి సోమవారం రాత్రి సంగీత్‌ కార్యక్రమంలో సందడి చేశారు. ఈ క్రమంలో నిహారిక-చైతన్య మెగాస్టార్‌ చిరంజీవి పాటలకు చిందులేశారు. ‘బావగారూ.. బాగున్నారా!’లోని ‘ఆంటీ కూతురా అమ్మో అప్సరా… ముస్తాబదిరింది’ పాటకు ఈ జంట స్టెప్పులేశారు. ఆ పాటతో పాటు కొన్ని హిందీ పాటలకు కూడా నిశ్చయ్‌ (నిహారిక – చైతన్య) కూడా డ్యాన్స్‌ వేశారు.

ఆ వీడియోలు కూడా బయటకు వచ్చాయి. డిసెంబర్‌ 9న గుంటూరు ఐజీ జె.ప్రభాకర్‌రావు కుమారుడు చైతన్య, నాగబాబు తనయ నిహారిక పెళ్లి జరగనుంది. రాత్రి 7.15 గంటలకు శుభకార్యం జరుగతుంది. రాజస్థాన్‌లోని ఉదయ్‌పూర్‌లో ఉన్న ప్రతిష్ఠాత్మక ఉదయ్‌విలాస్‌లో పెళ్లి జరుగుతుంది.