Niharika, Pawan Kalyan: బాబాయ్ కల్మషం లేని వ్యక్తి అన్న నిహారిక.. ప్రచారానికి వెళ్తానంటూ?

మెగా డాటర్ నిహారిక గురించి ప్రేక్షకులకు ప్రత్యేకంగా పరిచయం చేయాల్సిన అవసరం లేదు. నిహారిక తాజాగా నిఖిల్ విజయేంద్ర సింహా యూట్యూబ్ ఛానల్ లో ఇంటర్వ్యూ ఇవ్వగా ఆ ఇంటర్వ్యూలో జనసేన గురించి, పవన్ గురించి చెప్పిన విషయాలు నెట్టింట తెగ వైరల్ అవుతున్నాయి. నాన్న కూడా ప్రస్తుతం రాజకీయాలలో ఉండటంతో మా ఓట్లను ఏపీకి బదిలీ చేయడం జరిగిందని నిహారిక తెలిపారు. ఏపీకి ఎవరి అవసరం ఉందో వాళ్లకే ఓటు వేస్తానని ఆమె అన్నారు.

ఏపీకి పవన్ కావాలని ఇది నాకు తెలుసని ఏపీ ప్రజలు ఇంకా రియలైజ్ అవ్వట్లేదని నిహారిక చెప్పుకొచ్చారు. 500 రూపాయలు ఇచ్చి ప్రజల నుంచి 5 లక్షలు లాక్కునే రకం కాదు అని… పవన్ కళ్యాణ్ రాజకీయ నాయకుడు కాదు.. లీడర్ అని నిహారిక కామెంట్లు చేశారు. బాబాయ్ తో నేను ఎక్కువగా మాట్లాడలేదని అయితే నాన్న బాబాయ్ తో జరిగేవన్నీ మాకు చెబుతారని నిహారిక వెల్లడించడం గమనార్హం. బాబాయ్ కల్మషం లేని వ్యక్తి అని మా బాబాయ్ కు మా కుటుంబం సపోర్ట్ ఎప్పటికీ ఉంటుందని నిహారిక పేర్కొన్నారు.

నేను ఈసారి కూడా జనసేన తరపున ప్రచారానికి వెళ్తానని నిహారిక చెప్పుకొచ్చారు. మా బాబాయ్ కు ఎలాంటి వ్యాపారాలు లేవని సినిమాల ద్వారా వచ్చిన డబ్బును జనసేనలో పెడుతున్నారని జనాల సమస్యలను పరిష్కరించాలని బాబాయ్ భావిస్తారని నిహారిక తెలిపారు. పవన్ ను లీడర్ అనే పిలుస్తానని ఆమె చెప్పుకొచ్చారు. పవన్ కళ్యాణ్ కు అంత దమ్ము ఎలా వస్తుందని తెలియదని నిహారిక పేర్కొన్నారు.

నిహారిక (Niharika) ఏపీ పాలిటిక్స్ గురించి చేసిన కామెంట్లు హాట్ టాపిక్ అవుతున్నాయి. నిహారిక ప్రస్తుతం పలు క్రేజీ ప్రాజెక్ట్ లతో బిజీగా ఉన్నారు. పర్సనల్ లైఫ్ గురించి నిహారిక చేసిన కామెంట్స్ హాట్ టాపిక్ అవుతున్నాయి. నిహారిక రాబోయే రోజుల్లో ఎలాంటి విజయాలను అందుకుంటారో చూడాల్సి ఉంది.

‘గుంటూరు కారం’ లో ఆకట్టుకునే డైలాగులు ఇవే.!

‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!