నాచురల్ స్టార్ నాని తాజాగా హాయ్ నాన్న సినిమా ద్వారా ప్రేక్షకుల ముందుకు వచ్చారు. ఈ సినిమా డిసెంబర్ 7వ తేదీ ఎన్నో అంచనాల నడుమ విడుదలైన సంగతి తెలిసిందే. నానీ మృణాల్ ఠాగూర్ జంటగా నటించిన ఈ సినిమా ఫాదర్ అండ్ డాటర్ సెంటిమెంటుతో ప్రేక్షకుల ముందుకు వచ్చింది. అయితే ఈ సినిమా మంచి టాక్ సొంతం చేసుకుంది. ఇక ఇప్పటికే ఈ సినిమా గురించి సినీ విశ్లేషకులు పలువురు సెలబ్రిటీలు తమ అభిప్రాయాలను తెలియజేస్తున్నారు.
ఈ క్రమంలోనే మెగా డాటర్ నిహారిక సైతం హాయ్ నాన్న సినిమా చూసిన తర్వాత ఈ సినిమా పట్ల తన అభిప్రాయాన్ని సోషల్ మీడియా వేదికగా తెలియజేస్తూ చేసిన పోస్ట్ ప్రస్తుతం వైరల్ అవుతుంది. నిహారిక హాయ్ నాన్న సినిమా గురించి స్పందిస్తూ… నాని నటించిన హాయ్ నాన్న సినిమా గురించి చెప్పడానికి నాకు మాటలు రావడం లేదు. ఇలాంటి ఒక మంచి సినిమాని చూస్తే కనుక మీకు మీరు ఎంతో మంచి చేసుకున్న వారు అవుతారు.
హేషం అబ్దుల్ వాహబ్ ఇచ్చిన సంగీతం ప్రతి ఒక్క ప్రేక్షకుడి హృదయాన్ని ఆకట్టుకుంటుంది. డైరెక్టర్ శౌర్యువ్ పేరు సినీ ఇండస్ట్రీలో మారుమోగుతుందని, నేను అబద్ధం చెప్పడం లేదు. ఈ విషయం ఇదివరకే శౌర్యువ్ కి కూడా చెప్పాను అంటూ నిహారిక హాయ్ నాన్న సినిమా గురించి తన అభిప్రాయాన్ని తెలియజేస్తూ చేసినటువంటి ఈ పోస్ట్ వైరల్ గా మారింది.
ఇలా హాయ్ నాన్న సినిమా గురించి నిహారిక ఈ విధమైనటువంటి రివ్యూ ఇవ్వడంతో ఈ సినిమాపై మరి కాస్త అంచనాలు కూడా పెరిగిపోయాయి. ఇక నిహారిక కూడా ప్రస్తుతం ఇండస్ట్రీలో కొనసాగుతున్న సంగతి తెలిసిందే. అయితే ఈమె నిర్మాతగా సినిమాలను నిర్మిస్తూ పెద్ద బాధ్యతను తీసుకున్నారని చెప్పాలి. ఇదివరకే పూజా కార్యక్రమాలను పూర్తి చేసుకున్న నిహారిక (Niharika) సినిమా త్వరలోనే రెగ్యులర్ షూటింగ్ ప్రారంభించబోతున్నారు.
యానిమల్ సినిమా రివ్యూ & రేటింగ్!
దూత వెబ్ సిరీస్ రివ్యూ & రేటింగ్!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!
