తనదైన శైలిలో ‘జాంబీ రెడ్డి’ కి రివ్యూ ఇచ్చిన నిహారిక..!

చైతన్య జొన్నలగడ్డతో పెళ్ళైన తరువాత సినిమాలకు దూరంగా ఉంటూ .. సోషల్ మీడియాకు మాత్రం దగ్గరగా ఉంటూ వస్తోంది నిహారిక. అంతేకాదు ఈ మధ్య కాలంలో సినిమాలకు రివ్యూలు కూడా ఇస్తోంది. సంక్రాంతికి విడుదలైన ‘క్రాక్’, ‘మాస్టర్’ వంటి చిత్రాలకు తనదైన శైలిలో రివ్యూలు ఇచ్చిన నిహారిక.. తాజాగా ప్రశాంత్ వర్మ డైరెక్షన్లో తెరకెక్కిన ‘జాంబీ రెడ్డి’ మూవీ గురించి కూడా రివ్యూ ఇచ్చింది. ఫిబ్రవరి 5న విడుదలయ్యి సూపర్ హిట్ టాక్ తో దూసుకుపోతున్న ఈ చిత్రం ద్వారా చైల్డ్ ఆర్టిస్ట్ తేజ హీరోగా ఎంట్రీ ఇచ్చాడు.

సమంత – నందినీ రెడ్డి కాంబినేషన్లో వచ్చిన ‘ఓ బేబీ’ సినిమాలో కూడా అతను నటించాడు. కానీ హీరోగా మాత్రం అతనికి ఇదే మొదటి చిత్రం. ఇక నిహారిక ఈ చిత్రం పై స్పందిస్తూ… “తాజాగా ‘జాంబీ రెడ్డి’ మూవీ చూసాను. తెలుగులో ఇదే మొదటి ‘జాంబీ’ చిత్రం. దర్శకుడు ప్రశాంత్ వర్మ.. ఈ చిత్రంలో కామెడీతో బాగా నవ్వించాడు. ‘ప్రశాంత్ వర్మ.. నీ డైరెక్షన్ బాగుంది. తేజ నీ యాక్టింగ్ సూపర్.

నీ నటనలో 20 ఏళ్ల అనుభవం కనిపించింది. ఈ సినిమాలో దక్ష, ఆనంది, హేమంత్, గెటప్ శ్రీను అందరు బాగా నటించారు. మార్క్స్ అందించిన నేపధ్య సంగీతంతో సినిమాని నెక్స్ట్ లెవెల్ కు తీసుకెళ్లింది. మేకప్‌తో పాటు అన్ని డిపార్టెమెంట్స్ పనితనం బాగుంది. ‘జాంబీ రెడ్డి’ టీమ్‌ అందరికీ నా తరుపున కంగ్రాట్యులేషన్స్” అంటూ చెప్పుకొచ్చింది.

Most Recommended Video

జాంబీ రెడ్డి సినిమా రివ్యూ & రేటింగ్!
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా
శృతీ ఈ సినిమాలను రిజెక్ట్ చేసి మంచి పనే చేసిందా..?