‘కార్తికేయ’ సిరీస్‌ సినిమాలు కొనసాగుతాయని.. తొలి సినిమా అప్పుడు చెప్పలేదు కానీ.. రెండో ‘కార్తికేయ’ ఎండింగ్‌లో చెప్పారు. ఈ మేరకు కొన్ని సీన్స్ కూడా చూపించారు. యాక్షన్‌, అడ్వెంచర్‌.. అంటూ హీరో పాత్ర ఎప్పటికీ ఈ పని చేస్తూనే ఉంటుందని చెప్పకనే చెప్పారు. అయితే ‘కార్తికేయ 3’ ఎప్పుడొస్తుంది, ఎప్పుడు స్టార్ట్‌ చేస్తారు అనే ప్రశ్నకు మాత్రం సరైన సమాధానం లేదు. అయితే ‘18 పేజెస్‌’ సినిమా ప్రచారంలో భాగంగా హీరో నిఖిల్‌ ఈ సినిమా గురించి ఆసక్తికర విషయం చెప్పుకొచ్చాడు.
తెలుగులో ఫ్రాంచైజీ చిత్రాలు చాలా అరుదు అనుకుంటున్న సమయంలో ‘కార్తికేయ 2’ అనౌన్స్‌మెంట్ అయ్యింది. గతంలో ఒకట్రెండు వచ్చినా.. సరైన విజయాలు అందుకోలేదు. అయితే ‘కార్తికేయ’ వాటికి భిన్నం అనే చెప్పాలి. కృష్ణ ఈజ్‌ ది ట్రూత్‌ అంటూ రెండో పార్టుతో ఏకంగా పాన్ ఇండియా విజయాన్ని అందుకున్నాడు నిఖిల్‌. దీంతో ‘కార్తికేయ 3’లో ఏం చూపిస్తారు అనే ఉత్సాహం ప్రేక్షకుల్లో కనిపిస్తోంది. ఏదో ఒక దేవుడి వెనుక ఉన్న మర్మాన్ని చెబుతారు అనేది మాత్రం పక్కా. అయితే సినిమా ఎప్పుడు ప్రారంభం అనేది తెలియాలి.
2023లో ‘కార్తికేయ 3’ ఉంటుందని నిఖిల్‌ తాజాగా చెప్పాడు. దీనికి సంబంధించిన క‌థ ఇప్ప‌టికే సిద్ధంగా ఉందని కూడా చెప్పాడు. ‘కార్తికేయ 2’ త‌ర‌వాత పాన్ ఇండియా ఆఫ‌ర్లు ఎక్కువ‌గా వ‌స్తున్నాయని, అయితే ఏదీ ఒప్పుకోలేదని కూడా చెప్పాడు. పాన్ ఇండియా సినిమా అంటూ చేయాల్సి వస్తే.. అది ‘కార్తికేయ 3’తోనే అని క్లారిటీ ఇచ్చాడు నిఖిల్‌. అయితే తన ఆలోచన రాబోయే రెండు సినిమాల మీదే ఉంది అని చెప్పాడు నిఖిల్‌.
ప్రస్తుతం నా చేతిలో రెండు ప్రాజెక్టులున్నాయి. అవి పూర్తయ్యాక ‘కార్తికేయ 3’ మొద‌లెడ‌తాం అని క్లారిటీ ఇచ్చేశాడు. మరోవైపు ‘కార్తికేయ’ సిరీస్‌ దర్శకుడు చందు మొండేటి కూడా ఓ రెండు సినిమాలు చేయాల్సి ఉంది. మైత్రీ మూవీమేకర్స్‌ నిర్మాణంలో ఓ సినిమా ప్రారంభమవుతుంది. దీనికి స్టార్ హీరోను ఎంచుకునే పనిలో ఉన్నారని టాక్‌. ఆ లెక్కన 2023లో ‘కార్తికేయ 3’ కష్టమే. కానీ నిఖిల్‌ చెప్పాడుగా చూద్దాం. ఏమవుతుందో.
అవతార్: ద వే ఆఫ్ వాటర్ సినిమా రివ్యూ& రేటింగ్!
2022లో రీ రిలీజ్ అయిన సినిమాలు ఏవో తెలుసా?
2022లో ప్రపంచ బాక్సాఫీస్‌ని షేక్ చేసిన 12 సాలిడ్ సీన్స్ ఏవో తెలుసా..!
డిజె టిల్లు టు కాంతార….ఈ ఏడాది వచ్చిన సినిమాల్లో వీకెండ్ కే బ్రేక్ ఈవెన్ సాధించిన 10 సినిమాలు ఇవే!
