అందరికీ చరణే కావాలి..!

July 21, 2020 / 07:07 PM ISTByFilmy Focus

Join Us

మెగా పవర్ స్టార్ రాంచరణ్.. ప్రస్తుతం రాజమౌళి డైరెక్షన్లో ‘ఆర్.ఆర్.ఆర్’ చిత్రం చేస్తున్నాడు. ఇది పూర్తయిన తరువాత చరణ్ ఏ డైరెక్టర్ తో తన నెక్స్ట్ సినిమా చేస్తాడు అనే విషయంలో ఇంకా సస్పెన్స్ కొనసాగుతూనే ఉంది. ఓ పక్క తన తండ్రి హీరోగా నటిస్తున్న ‘ఆచార్య’ సినిమాలో 30 నిమిషాల పాత్ర పోషించబోతున్నాడని ఎప్పటి నుండో ప్రచారం జరుగుతోంది. దర్శకుడు కొరటాల శివ కూడా ఈ విషయాన్ని కన్ఫర్మ్ చేసాడు. అయితే ఇప్పుడు లాక్ డౌన్ వల్ల ‘ఆర్.ఆర్.ఆర్’ షూటింగ్ ఆగిపోయింది కాబట్టి అది సాధ్యమవుతుందని చెప్పలేము.

మరో పక్క సోలో హీరోగా సురేందర్ రెడ్డి డైరెక్షన్లో చరణ్ నటించబోతున్నాడని కొన్నాళ్ళు ప్రచారం జరిగింది. తరువాత అనిల్ రావి పూడి డైరెక్షన్లో అన్నారు.అటు తరువాత త్రివిక్రమ్, వంశీ పైడిపల్లి పేర్లు కూడా వినిపించాయి. అయితే ఇప్పుడు నితిన్ డైరెక్టర్ పేరు కూడా వినిపిస్తుంది. వివరాల్లోకి వెళితే.. నితిన్ కు ఈ ఏడాది ‘భీష్మ’ చిత్రంతో సూపర్ హిట్ అందించిన వెంకీ కుడుముల.. ఈ మద్య నే రాంచరణ్ కలిసి ఓ స్క్రిప్ట్ వినిపించాడట.

1Ram Charan

ఇది బౌండ్ స్క్రిప్ట్ అని కూడా తెలుస్తుంది. వెంకీ వినిపించిన స్క్రిప్ట్ లో కమర్షియల్ ఎలిమెంట్స్ తో పాటు ఫ్యామిలీ ఆడియెన్స్ కు కనెక్ట్ అయ్యే ఎలిమెంట్స్ కూడా పుష్కలంగా ఉన్నాయట. దాంతో ‘కచ్చితంగా చేద్దాం’ అని చరణ్ వెంకీకి చెప్పాడట. అయితే నిజంగా చరణ్.. వెంకీకి ఛాన్స్ ఇస్తాడా? లేక ఎదో మొహమాటానికి అలా చెప్పాడా? అనేది పెద్ద ప్రశ్న. ఓ పక్క నిర్మాతగా సినిమాలు నిర్మిస్తూనే మరోపక్క అలాగే వెబ్ సిరీస్ లు నిర్మించడానికి కూడా చరణ్ స్క్రిప్ట్ లు వింటున్నాడు. ఇంత బిజీలో చరణ్ అలాంటి మీడియం రేంజ్ డైరెక్టర్ కు సినిమా ఛాన్స్ ఇస్తాడా? అది కూడా ‘ఆర్.ఆర్.ఆర్’ పూర్తయిన తరువాత? చూడాలి ఏమవుతుందో?