Nithiin: ఆ సినిమాపై క్లారిటీ ఇచ్చిన నితిన్!

టాలీవుడ్ హీరో నితిన్ నటించిన మాస్ట్రో సినిమా ఈరోజు ఓటీటీలో రిలీజై యావరేజ్ రెస్పాన్స్ ను సొంతం చేసుకున్న సంగతి తెలిసిందే. నితిన్ ప్రస్తుతం మాచర్ల నియోజకవర్గం అనే సినిమాలో నటిస్తుండగా ఈ సినిమాలో నితిన్ కు జోడీగా కృతిశెట్టి నటించనున్నారు. మాస్ట్రో ప్రమోషన్స్ లో భాగంగా మీడియాతో మాట్లాడిన నితిన్ గతంలో ప్రకటించిన పవర్ పేట సినిమా క్యాన్సిల్ అయిందని అన్నారు. క్రియేటివ్ డిఫరెన్సెస్ వల్ల పవర్ పేట సినిమాను వదులుకోవాల్సి వచ్చిందని నితిన్ చెప్పుకొచ్చారు.

ప్రస్తుతం నటిస్తున్న మాచర్ల నియోజకవర్గం మాచర్ల అనే ప్రాంతం చుట్టూ జరిగే కథతో తెరకెక్కే పొలిటికల్ బేస్డ్ మూవీ అని ప్రస్తుత రాజకీయాలకు తమ సినిమాకు ఎటువంటి సంబంధం ఉండదని నితిన్ అన్నారు. మాచర్ల నియోజకవర్గం పూర్తిగా సినిమాటిక్ ఫిక్షన్ స్టోరీ అని నితిన్ వెల్లడించారు. ఎలాంటి హోం వర్క్ చేయకుండానే మాస్ట్రో సినిమాలో అంధుడిగా నటించానని నితిన్ అన్నారు. రాజా ది గ్రేట్, అంధాధూన్ సినిమాలను చూసి మాస్ట్రో సినిమాలో నటించానని నితిన్ వెల్లడించారు.

మాస్ట్రో సినిమాలో తమన్నా పోషించిన పాత్రకు మొదట నయనతారను తీసుకోవాలని అనుకున్నామని కొన్ని కారణాల వల్ల నయనతార ఈ మూవీలో నటించలేదని నితిన్ చెప్పుకొచ్చారు. జయాపజయాలతో సంబంధం లేకుండా సినిమాల్లో నటిస్తున్న నితిన్ ఈ ఏడాది మూడు సినిమాలను విడుదల చేయడం గమనార్హం. చాలామంది స్టార్ హీరోలు ఏడాదికి ఒక్క సినిమాను రిలీజ్ చేయడానికి కూడా ఇబ్బందులు పడుతుంటే నితిన్ మాత్రం శరవేగంగా సినిమాలను పూర్తి చేస్తున్నారు.

Most Recommended Video

టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!