అప్పుడెప్పుడో పవన్ కళ్యాణ్ తో చేసిన ‘గబ్బర్ సింగ్’ సినిమా పక్కన పెడితే ఇప్పటివరకూ ఒక్క హిట్టు కూడా కొట్టలేకపోయాడు డైరెక్టర్ హరీష్ శంకర్. మధ్యలో వచ్చిన ‘సుబ్రహ్మణ్యం ఫర్ సేల్’ ‘డీజే’ చిత్రాలు యావరేజ్ గా మాత్రమే నిలిచాయి. ఇక ఈ డైరెక్టర్ కు పెద్దగా అవకాశాలు కూడా ఇవ్వట్లేదు మిగిలిన హీరోలు. ఇలాంటి తరుణంలో వరుణ్ తేజ్ ఛాన్స్ ఇచ్చాడు. తరువాత ఈయన బిజీ అవ్వాలంటే ఈ సినిమా కచ్చితంగా హిట్టవాల్సి ఉంది. ‘వాల్మీకి’ చిత్రం సెప్టెంబర్ 20 న విడుదల కాబోతుంది. ఈ చిత్రంలో స్పెషల్ అట్రాక్షన్ జోడిస్తున్నాడు హరీష్.
ఇప్పటీకే కోలీవుడ్ హీరో అధర్వ మురళి కీలక పాత్ర పోషిస్తున్నాడు. వీళ్ళకు జోడీగా.. పూజా హెగ్డే – మృణాళిని రవి నటిస్తున్నారు. తమిళంలో సూపర్ హిట్టైన ‘జిగర్తాండ’ చిత్రానికి ఇది రీమేక్. ’14 రీల్స్ ప్లస్’ సంస్థ ఈ చిత్రాన్ని నిర్మిస్తుంది. ఇక ఈ చిత్రం కథ ప్రకారం మరో హీరో గెస్ట్ రోల్ ఇవ్వాల్సి ఉందట. తమిళంలో విజయ్ సేతుపతి గెస్ట్ రోల్ ఇచ్చాడు. తెలుగులో ఆ పాత్ర నితిన్ చేసినట్టు సమాచారం. హరీశ్ శంకర్ రిక్వెస్ట్ చేయడంతో నితిన్ ఓకే చెప్పాడట. తనతో ‘లై’ సినిమా చేసిన నిర్మాతలు కాబట్టి…వారితో నితిన్ కు మంచి స్నేహ బంధం ఉంది కాబట్టి ఈ రోల్ పై చాలా శ్రద్ద పెట్టి చేశాడట.
