Nitya Menon, Pawan Kalyan: భీమా నాయక్ లో నిత్య పాత్ర అలా ఉంటుందా?

తెలుగు, తమిళం, ఇతర భాషల్లో టాలెంటెడ్ నటిగా నిత్యామీనన్ పాపులారిటీని సొంతం చేసుకున్నారనే విషయం తెలిసిందే. పవన్ హీరోగా తెరకెక్కుతున్న భీమ్లా నాయక్ సినిమాలో నిత్యామీనన్ పవన్ కు భార్యగా కనిపించనున్నారు. నిత్యామీనన్ పాత్ర ఈ సినిమాకు హైలెట్ కానుందని సమాచారం. మలయాళంలో బ్లాక్ బస్టర్ హిట్ గా నిలిచిన అయ్యప్పనుమ్ కోషియమ్ సినిమాకు రీమేక్ గా ఈ మూవీ తెరకెక్కుతోంది. సాగర్ కె చంద్ర ఈ సినిమాకు దర్శకత్వం వహిస్తుండగా త్రివిక్రమ్ శ్రీనివాస్ ఈ సినిమాకు కథనం, మాటలు అందిస్తున్నారు.

పవన్ నిత్యామీనన్ కాంబినేషన్ లో తెరకెక్కుతున్న తొలి సినిమా ఇదే కావడం గమనార్హం. ఈ సినిమా గురించి నిత్యామీనన్ మాట్లాడుతూ అయ్యప్పనుమ్ కోషియమ్ మూవీతో పోల్చి చూస్తే ఈ సినిమాలో తన పాత్రను బలంగా తీర్చిదిద్దారని చెప్పుకొచ్చారు. ఈ సినిమాలో తాను భర్తను ఆజ్ఞాపించే బలమైన పాత్రలో కనిపిస్తానని నిత్యామీనన్ పేర్కొన్నారు. స్టార్ హీరో పవన్ కళ్యాణ్ గురించి మాట్లాడుతూ పవన్ తో కలిసి వర్క్ చేయడం చాలా ఈజీ అని నిత్యామీనన్ వెల్లడించారు.

థమన్ ఈ సినిమాకు సంగీతం అందిస్తుండగా భారీ బడ్జెట్ తో ఈ సినిమాను నిర్మిస్తున్నారని తెలుస్తోంది. 2022 సంవత్సరం సంక్రాంతి కానుకగా ఈ సినిమా రిలీజ్ కానుంది. ఈ సినిమా రిలీజ్ డేట్ లో మార్పు ఉండవచ్చని వార్తలు ప్రచారంలోకి వస్తుండగా ఆ వార్తల్లో నిజానిజాలు తెలియాల్సి ఉంది. నిత్యామీనన్ ఈ సినిమాతో భారీ బ్లాక్ బస్టర్ హిట్ ను సాధిస్తారేమో చూడాల్సి ఉంది.

వరుడు కావలెను సినిమా రివ్యూ & రేటింగ్!

Most Recommended Video

రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!