పవన్, త్రివిక్రమ్ మూవీలో ఛాన్స్ పై స్పందించిన నివేదా

పవన్ కళ్యాణ్ సినిమాలో గానీ, త్రివిక్రమ్ శ్రీనివాస్ మూవీలోగానీ అవకాశం వస్తే ఎవరూ వదులుకోరు. చిన్న పాత్ర అయినా చేయడానికి ఉత్సాహం చూపిస్తారు. మరి వారిద్దరి కాంబినేషన్లో తెరకెక్కే చిత్రంలో ఛాన్స్ వస్తే ఎగిరి గంతేసి మరీ ఒకే చెప్పేస్తారు. కానీ నివేదా థామస్ మాత్రం నో చెప్పింది. ఆశ్చర్యంగా ఉంది కదూ, ఇది గాసిప్ కాదు నిజం. ఈ విషయాన్నీ స్వయంగా ఆమె చెప్పింది. హీరోయిన్ గా మలయాళం, తమిళం సినిమాలు చేసింది. తెలుగులో జెంటిల్ మ్యాన్ సినిమా ద్వారా ఎంట్రీ ఇచ్చిన బ్యూటీ నిన్ను కోరితో అందరి మెప్పు అందుకుంటోంది. ఎన్టీఆర్ జై లవకుశలోను ఒక హీరోయిన్ గా నటిస్తోంది.

టాలీవుడ్ లో క్రేజీ హీరోయిన్ గా మారిన నివేదా పవన్ సినిమాలో ఛాన్స్ గురించి రీసెంట్ గా స్పందించింది. ” పవన్ సినిమాలో చెల్లెలి పాత్ర కోసం నన్ను అడిగారు. అయితే హీరోయిన్ గా చేస్తున్న సమయంలో చెల్లెలి పాత్ర చేయడం సరికాదని, సున్నితంగా తిరస్కరించాను” అని అసలు విషయం బయటపెట్టింది.  పవన్ సినిమాను వదులుకున్నందుకు చాలా బాధపడ్డానని వివరించింది. పవన్ జోడీగా నటించే ఛాన్స్ త్వరలోనే వస్తుందనే నమ్మకం మాత్రం బలంగా ఉందని నివేదా చెప్పింది.

Also, do SUBSCRIBE to our YouTube channel to get latest Tollywood updates.