జై లవకుశ టీజర్ గురించి చెప్పిన జై హీరోయిన్

బాబీ దర్శకత్వంలో ఎన్టీఆర్ చేస్తున్న సినిమా జై లవకుశ తొలి టీజర్ ఆరవ తేదీ రిలీజ్ అయి సంచలనం సృష్టిస్తోంది. యూట్యూబ్ లో 6 లక్షలకు పైగా వ్యూస్, 8 లక్షల డిజిటల్ వ్యూస్ తో దూసుకుపోతోంది. ఇప్పటికీ నంబర్ వన్ ట్రెండింగ్ లో కొనసాగుతోంది. జై పాత్రలో ఎన్టీఆర్ నటనని చూసి అభిమానులతో పాటు రాజమౌళి, కొరటాల శివ, ప్రభాస్, ఇతర హీరోలు అభినందిస్తున్నారు. ఇక ఇందులో రావణుడి (జై) హీరోయిన్ గా నటించిన నివేత థామస్ ఆనందానికి హద్దుల్లేదు. టీజర్ రిలీజ్ అయిన వెంటనే ట్విట్టర్  లో స్పందించారు.

‘‘మీ అందరి కోసం జై వచ్చాడు.’’ అంటూ సంతోషాన్ని పంచుకున్నారు. ఈ సినిమాలో నివేత తో పాటు రాశీ ఖన్నా, నందితా రాజ్ లు హీరోయిన్స్ గా నటిస్తున్నారు. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మిస్తున్న ఈ చిత్రంలో విలన్ గా బాలీవుడ్ నటుడు రోనిత్ రాయ్ ఎన్టీఆర్ తో తలపడుతున్నారు. భారీ అంచనాలు నెలకొని ఉన్న ఈ మూవీ సెప్టెంబర్ 21 న థియేటర్లలోకి రానుంది.

Also, do SUBSCRIBE to our YouTube channel to get latest Tollywood updates.