ప్లానింగ్‌ బాలేదు పెద్ద హీరోలూ.. మంచి సీజన్లను ఇలా వదిలేస్తే ఎలా?

ఇప్పుడంటే సీజన్ల పట్టింపు లేకుండా ఎప్పుడు పడితే అప్పుడు పెద్ద సినిమాలు (Movies) రిలీజ్‌ చేస్తున్నారు కానీ.. ఒకప్పుడు సీజన్ల ఆధారంగా మన దగ్గర పెద్ద హీరోల సినిమాలు, భారీ బడ్జెట్‌ సినిమాలు విడుదలయ్యేవి. అయితే ఇప్పటికీ ఆ సీజన్ల ఆలోచన అయితే ఉంది. వాటిలో ముఖ్యమైన సీజన్లు సంక్రాంతి, సమ్మర్‌, దసరా. ఇందులో ఈసారి సంక్రాంతికి బాగానే వాడుకున్న టాలీవుడ్‌ సమ్మర్‌ విషయంలో లైట్‌ తీసుకుందేమో అనిపిస్తోంది. కావాలంటే మీరే చూడండి. ఈ ఏడాది సమ్మర్‌లో భారీ సినిమాలు రావాల్సి ఉంటే..

Movies

ఇప్పుడు ఒక్కొక్కటి వాయిదా పడుతూ వస్తున్నాయి. మరికొన్ని ఆ దిశగా అడుగులేస్తున్నాయి. ప్రభాస్‌ (Prabhas)  – మారుతి (Maruthi Dasari) ‘ది రాజాసాబ్’ (The Raja Saab)  సినిమాతో ఈ వేసవి స్టార్ట్‌ చేస్తామని టీమ్‌ చాలా రోజులుగా చెబుతూ వచ్చింది. ప్రభాస్‌ వస్తే అందరూ ఖాళీ చేయాల్సిందే అని నిర్మాత కూడా అన్నారు. కానీ ఆయనే ఇప్పుడు అందరికీ లైన్‌ ఇస్తున్నాడు. ఇక మార్చి ఆఖరులో వచ్చి సమ్మర్‌లోనూ ప్రతాపం చూపిస్తాడు అని చెప్పిన పవన్‌ కల్యాణ్ (Pawan Kalyan) ‘హరి హర వీరమల్లు’ (Hari Hara Veera Mallu) వాయిదా పడేలానే ఉంది.

ప్రచారం అయితే చేస్తున్నారు కానీ విడుదలకు సరిపోయేంత కాదు అనేది టాక్‌. ఇక సంక్రాంతికి రావాల్సిన ‘విశ్వంభర’ (Vishwambhara) వాయిదా పడ్డాడు. ఇప్పుడు ఇంకా ఓ డేట్‌ని వెతుక్కునే పనిలోనే ఉన్నాడు. మే 9 అంటున్నారు కానీ ఎక్కడా క్లారిటీ రావడం లేదు. దీంతో ఈ ఏడాది సమ్మర్‌ నాని (Nani)  – శైలేష్‌ కొలను (Sailesh Kolanu) ‘హిట్ 3’, మంచు వారి ‘కన్నప్ప’ (Kannappa), సిద్ధు జొన్నలగడ్డ (Siddu Jonnalagadda)  ‘జాక్’, నితిన్‌ (Nithin Kumar) ‘రాబిన్ హుడ్’(Robinhood), రవితేజ  (Ravi Teja)  ‘మాస్‌ జాతర’ (Mass Jathara)  లాంటివే కనిపిస్తున్నాయి.

మరి వీరిలో విజయం ఎవరికి దక్కుతుంది. సమ్మర్‌ సోగ్గాడు అని ఎవరు అనిపించుకుంటారో చూడాలి. ఇంత పెద్ద సీజన్‌ను ఇలా వదిలేయడం మన స్టార్‌ హీరోలకు, వారి దర్శక నిర్మాతలకు ఏమాత్రం సరికాదు. ఎందుకంట ఎన్ని ఎక్కువ సినిమాలొచ్చినా పెద్ద హీరోల సినిమా వస్తే బాక్సాఫీసు కళకళలాడుతుంది కాబట్టి.