కన్ఫర్మ్ ఆర్ ఆర్ ఆర్ నుండి అప్డేట్ లేనట్లే..!

కరోనా వైరస్ వ్యాప్తి రోజు రోజుకు పెరుగుతున్న నేపథ్యంలో ప్రభుత్వాలు కఠిన నిర్ణయాలు తీసుకుంటున్నాయి. ఇక సినీ ప్రముఖులు సైతం వ్యక్తిగత మరియు సినిమా వేడుకలు రద్దు లేదా వాయిదా వేసుకుంటున్నారు. ఈ క్రమంలో టాలీవుడ్ స్టార్ హీరో రామ్ చరణ్ తన పుట్టిన రోజు వేడుకలు జరపకూడని ఫ్యాన్స్ కి సందేశం పంపారు. గుంపులుగా చేరి కార్యక్రమాలు నిర్వహించడం వలన కరోనా ఒకరి నుండి మరొకరి వ్యాపించే ప్రమాదం ఉన్న నేపథ్యంలో ఆయన ఫ్యాన్స్ కి ఈ విన్నపం చేశారు. పుట్టిన రోజు నిర్వహించకపోవడమే మీరిచ్చే అతి పెద్ద గిఫ్ట్ అని చరణ్ చెప్పడం జరిగింది.

ఐతే చరణ్ పుట్టిన రోజు వేడుకలను రద్దు చేసుకున్న క్రమంలో ఆ రోజు ఆర్ ఆర్ ఆర్ మూవీ నుండి అప్డేట్ వస్తుందన్న ఆశ సన్నగిల్లింది. చరణ్ పుట్టిన రోజు వేడుకలు రద్దు చేసిన నేపథ్యంలో పెద్దగా సందడి నెలకొనే పరిస్థితి ఉండకపోవచ్చు. కాబట్టి ఈ పరిస్థితి సాకుగా చూపుతూ ఆర్ ఆర్ ఆర్ నుండి రాజమౌళి అప్డేట్ ఇవ్వకుండా తప్పించుకునే అవకాశం కలదు. కరోనా కారణంగా ఆర్ ఆర్ ఆర్ షూటింగ్ మళ్ళీ వాయిదా పడిన నేపథ్యంలో 2021 జనవరి కైనా ఆర్ ఆర్ ఆర్ వస్తుందనే గ్యారంటీ లేదు. కాబట్టి ఆర్ ఆర్ ఆర్ నుండి అప్పుడే కీలక అప్డేట్ ఇవ్వడం సరికాదనే ఆలోచనలో రాజమౌళి ఉండే అవకాశం ఉంది. కాబట్టి చరణ్ పుట్టిన రోజు కానుకగా ఎదో ఒక కీలక అప్డేట్ వస్తుందని ఎదురుచూసిన చరణ్ మరియు ఎన్టీఆర్ ఫ్యాన్స్ కి తాజా పరిణామం షాక్ ఇచ్చింది.

Most Recommended Video

యురేక సినిమా రివ్యూ & రేటింగ్!
మధ సినిమా రివ్యూ & రేటింగ్!
మన టాలీవుడ్ డైరెక్టర్స్ మరియు వారి భార్యలు..!