చిరు, బాలయ్య లకు కూడా నాగార్జున రికార్డు అసాధ్యమనే చెప్పాలి…!

May 7, 2020 / 07:15 PM ISTByFilmy Focus

Join Us

చిరు, బాలయ్య లకు కూడా నాగార్జున రికార్డు అసాధ్యమనే చెప్పాలి…!

అక్కినేని నాగేశ్వర రావు తనయుడుగా … ఎంట్రీ ఇచ్చినా తనకంటూ ప్రత్యేక క్రేజ్ ను ఏర్పాటు చేసుకుని తిరుగులేని స్టార్ గా ఎదిగాడు మన ‘కింగ్’ నాగార్జున. హీరోగా సినిమాలు చేస్తూనే నిర్మాతగా కూడా ఎన్నో సూపర్ హిట్ సినిమాలను నిర్మించాడు. నాగార్జున ఎన్నో గేమ్ ఛేంజింగ్ మూవీస్ ను కూడా అందించాడు. ‘శివ’ చిత్రంతో రాంగోపాల్ వర్మకు ఛాన్స్ ఇచ్చి… అతనికి మంచి లైఫ్ ఇచ్చింది నాగార్జునే. అంతేకాదు లారెన్స్ వంటి ఎంతో ట్యాలంటెడ్ ఉన్న దర్శకులను పరిచయం చేసాడు మన కింగ్.

ఇదిలా ఉంటే… ఓ విషయంలో నాగార్జున క్రియేట్ చేసిన రికార్డుని ప్రపంచంలోనే ఏ హీరో కూడా అందుకోలేడేమో అనిపిస్తుంది. అదేంటంటే… తండ్రి సరసన నటించిన హీరోయిన్ లు కొడుకుల సరసన కూడా నటించిన సందర్భాలను మనం చూసాము. సీనియర్ ఎన్టీఆర్ సరసన నటించిన జయసుధ, రతి అగ్నిహోత్రి,రాధ వంటి హీరోయిన్ లు … బాలకృష్ణ సరసన కూడా నటించారు. అలాగే శ్రీదేవి, రాధ వంటి హీరోయిన్ లు అక్కినేని నాగేశ్వర రావుతో పాటు ఆయన కొడుకు నాగార్జున సరసన కూడా నటించారు.

No one can beat Nagarjuna's record1

అయితే నాగ చైతన్యతో జత కట్టిన లావణ్య త్రిపాఠి, రకుల్ ప్రీత్ సింగ్ వంటి హీరోయిన్లతో కూడా నాగార్జున నటించాడు. ఇలా.. అటు తండ్రితో నటించిన హీరోయిన్ లతోనూ… ఇటు కొడుకుతో నటించిన హీరోయిన్ లతోనూ నటించిన హీరోగా నాగార్జున మాత్రమే నిలిచాడు. ఇది ఓ అరుదైన రికార్డు అనే చెప్పాలి. ఆయన గ్లామర్ అలాంటిది మరి..!