తెలుగు చిత్ర పరిశ్రమ బౌండరీస్ లను చెరిపేసి చిత్రాల్లో అర్జున్ రెడ్డి ఒకటి. అటువంటి ఇండస్ట్రీ హిట్ మూవీ కథ అల్లు అర్జున్ కోసమే రాసుకున్నారు. అతను కాదంటేనే .. ఆ కథ విజయ్ దేవరకొండ వద్దకు వెళ్ళింది. అలాగే గీతా ఆర్ట్స్ వారు తెరకెక్కించిన గీత గోవిందం కథ కూడా మొదట బన్నీ వద్దకే వెళ్ళింది. అయినా ఆ కథకు నో చెప్పారు. ఈ సినిమా వందకోట్ల క్లబ్ లో చేరి విజయ్ దేవరకొండను స్టార్ హీరోల సరసన చేర్చింది. ఇప్పుడు విజయ్ దేవరకొండ రెండు భాషల్లో చేస్తోన్న మూవీ నోటా. ఆనంద్ శంకర్ దర్శకత్వం వహించిన ఈ సినిమా వచ్చేనెల 5 న రిలీజ్ కాబోతోంది. ట్రైలర్ తో అంచనాలను పెంచేసుకున్న ఈ చిత్ర కథ కూడా మొదట అల్లు అర్జున్ వద్దకే వచ్చిందని ఫిలిం నగర్ వాసులు చెప్పుకుంటున్నారు.
బన్నీ కొంతకాలంగా కోలీవుడ్ లో అడుగు పెట్టాలనుకుంటున్నారు. మంచి కథ దొరికితే ద్విభాషా చిత్రం చేయాలని భావించారు. ఆ విషయం తెలుసుకొని ఆనంద్ శంకర్ ముందుగా ఈ కథను బన్నీకి వినిపించారు. కథ విన్న అల్లు అర్జున్ “కథ చాలా బాగుంది .. అయితే ఈ తరహా కథ నాకు సెట్ కాదు” అని స్పష్టం చేసినట్లు సమాచారం. దాంతో ఆయన ఈ కథను తీసుకుని వెళ్లి, విజయ్ దేవరకొండకి వినిపించాడట. ‘తమిళంలో సినిమానా?’ అంటూ విజయ్ దేవరకొండ మొదట సందేహాన్ని వ్యక్తం చేశాడనీ, ఆ తరువాత కథాకథనాల్లోని కొత్తదనాన్ని అర్థం చేసుకుని గ్రీన్ సిగ్నల్ ఇచ్చేశాడని చెప్పాడు. అల్లు అర్జున్ నో చెప్పిన కథలు విజయ్ దేవరకొండకి బాగా కలిసి వచ్చాయి. మరి ఇది కూడా ఎంత మేర కలిసి వస్తుందో చూడాలి.
Home