బాహుబలికి సమానంగా మహేష్ స్పైడర్ బడ్జెట్!

సూపర్ స్టార్ మహేష్ బాబు కోలీవుడ్ లో ఎంట్రీ ఇస్తున్న స్పైడర్ మూవీ ఎక్కడా కాంప్రమైజ్ కాకుండా నిర్మితమవుతోంది. తమిళ స్టార్ దర్శకుడు ఏ ఆర్ మురుగదాస్ దర్శకత్వంలో తెరకెక్కుతోన్నా ఈ యాక్షన్ థ్రిల్లర్ వచ్చేనెల 2వ తేదీతో టాకీ పార్ట్ ను పూర్తిచేసుకోనుంది. మిగిలి ఉన్న రెండు పాటలను ఫారిన్ లో ..   హైదరాబాద్ లో షూట్ చేయనున్నారు. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఏకకాలంలో తెలుగు, తమిళ భాషల్లో ఎన్.వి.ప్రసాద్ నిర్మిస్తున్న ఈ చిత్రానికి మొదట్లో 80 కోట్ల బడ్జెట్ అనుకున్నారు.

కానీ క్లైమాక్స్ మార్పు, గ్రాఫిక్స్, విజువల్ ఎఫెక్ట్స్ కోసం బడ్జెట్ ను అమాంతం పెంచారు. ‘బాహుబలి’కి పనిచేసిన ‘మకుట’ సంస్థ స్పైడర్ కి హంగులను జోడించనుంది. ఇవన్నీ కలుపుకుంటే బడ్జెట్ 130 కోట్లకి చేరుకుంది. ఇది ‘బాహుబలి బిగినింగ్ బడ్జెట్ తో సమానం. ఇంటెలిజన్స్ ఆఫీసర్ గా మహేష్ నటిస్తున్న ఈ మూవీలో విలన్ గా ఎస్.జె సూర్య,  హీరోయిన్ గా రకుల్ ప్రీత్ సింగ్ నటిస్తున్నారు. కృష్ణ పుట్టినరోజు సందర్భంగా మే 31న స్పైడర్ టీజర్ రిలీజ్ కానుంది.

Also, do SUBSCRIBE to our YouTube channel to get latest Tollywood updates.