సినిమా రిలీజ్ తర్వాత రికార్డుల గురించి మాట్లాడటం ఒకప్పటి మాట.. ఇప్పుడు ట్రెండ్ మారింది. విడుదలకముందే స్టార్ హీరోల చిత్రాలు నెట్టింట్లో రికార్డులు సృష్టిస్తున్నాయి. ఈ ట్రెండ్ లో మహేష్, ఎన్టీఆర్ ముందున్నారు. మురుగదాస్ దర్శకత్వంలో మహేష్ నటించిన స్పైడర్ మూవీ టీజర్ గతనెల 1 వ తేదీన రిలీజ్ అయి కేవలం 24 గంటల్లో 6.3 మిలియన్ వ్యూస్ రాబట్టింది. ఇదొక రికార్డ్ అయితే.. గ్లిమ్స్ అఫ్ స్పైడర్ పేరుతో విడుదలైన ఈ టీజర్ యూట్యూబ్ లో ఇప్పటి వరకు కోటి ముప్పై లక్షలకు పైగా వ్యూస్ సాధించడం మరో రికార్డ్. ముచ్చటగా మూడో రికార్డ్ కూడా ఉంది. యు ట్యూబ్లో ‘స్పైడర్ ద మూవీ’ పేరుతో ఓ ఛానెల్ను ఏర్పాటు చేశారు.ఈ ఛానెల్కు ఇప్పుడు ఏకంగా లక్షకు పైగా సబ్ స్క్రైబర్స్ రావడం.
రెగ్యులర్గా వీడియోస్ అప్లోడ్ చేసే పేరున్న యూట్యూబ్ ఛానెల్స్కు కూడా.. ఇంతమంది సబ్ స్క్రైబర్స్ రావడానికి సంవత్సరాలు పట్టే అవకాశం ఉంది. అలాంటిది మహేశ్ ‘స్పైడర్’ యూట్యూబ్ ఛానెల్.. నెలరోజుల్లోనే ఈ ఫీట్ సాధించడం విశేషం. ఇక ఎన్టీఆర్ జై లవకుశ మూవీ టీజర్ రెండు రోజుల క్రితం రిలీజ్ అయి సోషల్ మీడియాలో ప్రకంపనలు సృష్టిస్తోంది. టీజర్ విడుదలైన తొలి 100 నిమిషాల్లోనే లక్ష లైక్స్ అందుకొని రికార్డ్స్ కి తెర తీయగా, యూట్యూబ్ లో 6 లక్షలకు పైగా వ్యూస్, 8 లక్షల డిజిటల్ వ్యూస్ తో దూసుకు పోతోంది. ఇక ఈ సినిమాలు థియేటర్లోకి వచ్చిన తర్వాత ఎన్ని రికార్డ్స్ సృష్టిస్తాయో ఇప్పుడే చెప్పలేము.
Also, do SUBSCRIBE to our YouTube channel to get latest Tollywood updates.
