సాయి ధరమ్ తేజ్ సినిమాకు క్లాప్ కొట్టిన ఎన్టీఆర్

నందమూరి, మెగా ఫ్యామిలీ హీరోలు కలిసి నటించే సమయం ఎంతో దూరం లేదని తాజా సంఘటన నిరూపించింది. వృత్తి పరంగా పోటీ పడే రెండు కుటుంబాల హీరోలు.. సంక్రాంతికి వచ్చిన సినిమాలు విజయం సాధించాలని ఒకరినొకరు శుభాకాంక్షలు చెప్పుకునున్నారు. గౌతమి పుత్ర శాతకర్ణికి సినిమాకు మెగాస్టార్ చిరంజీవి క్లాప్ కొట్టగా .. ఈ సారి మెగా హీరో సాయి ధరమ్ తేజ్ కొత్త సినిమాకు యంగ్ టైగర్ ఎన్టీఆర్ క్లాప్ కొట్టారు. తేజు నటించిన విన్నర్ మూవీ పోస్ట్ ప్రొడక్షన్ వర్క్ జరుపుకుంటోంది. అది రిలీజ్ కాక ముందే మరో చిత్రాన్ని పట్టాలెక్కించారు.

బీవీఎస్ రవి దర్శకత్వంలో తెరకెక్కుతోన్న జవాన్ అనే మూవీ సోమవారం లాంఛనంగా ప్రారంభమయింది. ఈ చిత్రం ముహూర్తము షాట్ కి తారక్ క్లాప్ కొట్టారు. బాబీ దర్శకత్వంలో రూపుదిద్దుకోనున్న మూవీ పనుల్లో బిజీగా ఉన్న ఎన్టీఆర్ ఈ కార్యక్రమానికి హాజరు కావడం గొప్ప విషయమనని, ఈ పరిణామం తెలుగు చిత్ర పరిశ్రమకు ఆహ్లాదకరమైన వాతావరణాన్ని అందిస్తుందని సినీ పండితులు భావిస్తున్నారు. మెగా హీరోను ఎన్టీఆర్ ప్రోత్సహిస్తుండడంతో వారి అభిమానులు ఆనందం వ్యక్తం చేస్తున్నారు.

Also, do SUBSCRIBE to our YouTube channel to get latest Tollywood updates.