జాతీయ స్థాయిలో ఎన్టీఆర్ ఇమేజ్ డామేజ్ చేసిన ఫ్యాన్స్

అభిమానమైనా, ప్రేమైనా హద్దుల్లో ఉన్నంత వరకే అందం, గౌరవం. హద్దులు మీరి అతికి దారి తీస్తే ఇబ్బందులు తప్పవు. ఇప్పుడు ఎన్టీఆర్ ఫ్యాన్స్ పరిస్థితి అలాగే ఉంది. మీరా చోప్రా వివాదం చిలికి చిలికి గాలివానలా మారుతుంది. మీరాచోప్రా కి అసభ్య సందేశాలు పంపిన ఎన్టీఆర్ ఫ్యాన్స్ కి శిక్ష తప్పేలా లేదు. రెండు తెలుగు రాష్ట్రాలతో పాటు, దేశవ్యాప్తంగా ఈ గొడవ సంచలనం గా మారింది. మీరా చోప్రా జాతీయ మహిళా కమీషన్ కి ఫిర్యాదు చేశారు. అలాగే అనేక మంది ఫెమినిస్ట్ లు ఆమెకు మద్దతుగా వస్తున్నారు.

ఈ నేపథ్యంలో ఆడవారి పట్ల గౌరవం కలిగి, తాత ఆశయాలను ఫాలో అవుతున్న జూనియర్ ఎన్టీఆర్ కి ఫ్యాన్స్ చర్యలు తలనొప్పిగా మారాయి. తాజా సంఘటన ఎన్టీఆర్ ఇమేజ్ కి భంగం కలిగిస్తుండగా, ఆయన సన్నిహితుల దగ్గర వాపోతున్నారని సమాచారం. ఈ సంఘటన ఎన్టీఆర్ కి తీవ్ర తలనొప్పిగా మారిందట. ఇప్పటికే ఈ వివాదం చేయదాటిపోగా ఎన్టీఆర్ కి ఏమి చేయాలో పాలుపోని పరిస్థితి ఏర్పడింది. ఎవరి అభిప్రాయం వారిది, మీరా చోప్రా ఎన్టీఆర్ అభిమానిని కాదన్నందుకు ఆమెను ఈ స్థాయిలో హింసకు గురిచేయడం సరికాదు.

ఒక వేళ ఆమెది పబ్లిసిటీ స్టంట్ అనుకున్నా.. మీరు స్పందించక పోతే ఏ సమస్యా లేదు. అయినా సదరు చాట్ లో ఆమె కల్పించుకొని ఎన్టీఆర్ గురించి చెప్పలేదు. మీరు అడిగిన ప్రశ్నకు సమాధానం చెప్పింది. ఎదుటు వారి అభిప్రాయాలు గౌరవించని ఫ్యాన్స్ ఏ హీరోకైనా అవసరమా?

Most Recommended Video

మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!