ఎన్టీఆర్ కి కింగ్ ఆఫ్ బాక్స్ ఆఫీస్ అవార్డు అందించనున్న జీ తెలుగు

నూనూగు మీసాల సమయంలోనే ఎన్టీఆర్ తెలుగు ప్రజల హృదయాలను గెలుచుకున్నారు. మహానటుడు నందమూరి తారకరామారావు ఆశీసులతో చిత్ర సీమలోకి అడుగుపెట్టి ఎన్నో విజయాలను సొంతం చేసుకున్నారు. పదిహేనేళ్లలో పాతిక చిత్రాల్లో నటించి అనేక రికార్డులను బద్దలుకొట్టారు. బోలెడు అవార్డులను సాధించారు. తాజాగా తారక్ కి మరో అవార్డు వరించింది. కింగ్ ఆఫ్ బాక్స్ ఆఫీస్ అనే అవార్డును జీ తెలుగువారు ఎన్టీఆర్ కి ప్రదానం చేయనున్నారు.

ఈ ఛానల్ నిర్వాహకులు కింగ్ ఆఫ్ బాక్స్ ఆఫీస్ అని తెలుగు ప్రజలను అడగగా ఎక్కువమంది తారక్ కి ఓటు వేయడంతో ఈ అవార్డు యంగ్ టైగర్ వశమైంది . జీ తెలుగు వారు త్వరలో నిర్వహించనున్న  వేడుకలో  ఈ అవార్డు ని ఎన్టీఆర్ కి అందివ్వనున్నారు. ప్రస్తుతం తారక్ తన 27 సినిమా షూటింగ్ లో బిజీగా ఉన్నారు.

Also, do SUBSCRIBE to our YouTube channel to get latest Tollywood updates.