“రాజా చెయ్యి వేస్తే” సినిమాలో హీరో నారా రోహిత్ కదా.. మరి ఎన్టీయార్ ఆశలు పెట్టుకోవడమెంటని తెగ ఆలోచించేస్తున్నారా?. ఇక్కడ మనం మాట్లాడుకొంటున్నది యంగ్ టైగర్ జూనియర్ ఎన్టీయార్ గురించి కాదు.. నందమూరి తారకరత్న గురించి.
హీరోగా పరిచయమైనా తారకరత్న.. కథానాయకుడిగా ఒక్కటంటే ఒక్క హిట్టు సైతం దక్కించుకోలేకపోయాడు. దాంతో కొంత విరామం అనంతరం రవిబాబు దర్శకత్వంలో తెరకెక్కిన “అమరావతి” చిత్రంతో విలన్ గా మారి.. “ఉత్తమ విలన్”గా నంది అవార్డ్ సైతం దక్కించుకొన్నాడు. ఆ తర్వాత మళ్లీ హీరోగా సక్సెస్ సాధించడం కోసం విశ్వ ప్రయత్నాలు చేసి విఫలమయ్యాడు.
మళ్లీ.. “రాజా చెయ్యి వేస్తే” చిత్రంలో విలన్ గా నటిస్తున్నాడు. ఈ సినిమా హిట్టయితే ఇక విలన్ గానే కెరీర్ ను కొనసాగించేందుకు సన్నద్ధమవుతున్నాడు. అందుకే.. “రాజా చెయ్యి వేస్తే” సినిమా సూపర్ హిట్ అవ్వాలని అందరు దేవుళ్ళను మొక్కుతున్నాడు!
