ఎన్టీఆర్ మాటతో టెన్షన్ పడుతున్న బాబీ

బాబీ దర్శకత్వంలో యంగ్ టైగర్ ఎన్టీఆర్ నటిస్తున్న ‘జైలవకుశ’ చిత్రం షూటింగ్ వేగంగా జరుగుతోంది. మొన్నటి వరకు రామోజీ ఫిలిం సిటీలోని భారీ సెట్ లో కీలక సీన్లకు తెరకెక్కించారు. ఇప్పుడు హైదరాబాద్ శివార్లలో ఉన్న ఓ క్వారీలో యాక్షన్ సన్నివేశాల్ని షూట్ చేస్తున్నారు. విలన్ పాత్రధారి రోనిత్ రాయ్, ఎన్టీఆర్ కాంబినేషన్ సీన్స్ ఈ  నెలాఖరులోపున కంప్లీట్ చేయాలనీ అనుకున్నారు. కానీ పూర్తి కాలేదని తెలిసింది. దాంతో ఎన్టీఆర్ కాస్తంత అసహనాన్ని వ్యక్తం చేసినట్టు సమాచారం. సాధ్యమైనంత త్వరగా ఈ సినిమా షూటింగును పూర్తి చేయమని, సెప్టెంబర్ 21న  ప్రేక్షకుల ముందుకు వెళ్లవలసిందేననీ .. దసరా సెలవులను ఎలాంటి పరిస్థితుల్లోను మిస్ కావొద్దని అన్నాడట.

దాంతో ఆ సమయానికి అన్ని పనులు పూర్తి చేసే విషయంలో బాబీ టెన్షన్ పడుతున్నాడని తెలిసింది. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మిస్తున్న ఈ చిత్రంలో తారక్ సరసన రాశీఖన్నా, నివేదా థామస్, నందితా రాజ్ లు హీరోయిన్స్ గా నటిస్తున్నారు. ఎన్టీఆర్ తొలిసారి త్రిపాత్రాభినయం చేస్తున్న ఈ సినిమాపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.