ఎన్టీఆర్ తదుపరి మూవీ టైటిల్ అదేనంట!

హ్యాట్రిక్ విజయంతో ఎన్టీఆర్ ఫుల్ జోష్ లో ఉన్నారు. మూడు పాత్రలు పోషిస్తున్నప్పటికీ జై లవకుశ సినిమాని చాలా వేగంగా పూర్తిచేశారు. ఒక పాట మినహా షూటింగ్ పార్ట్ మొత్తం కంప్లీట్ చేసుకున్న ఈ చిత్రానికి ఎన్టీఆర్ డబ్బింగ్ చెబుతున్నారు. అయితే ఈ మూవీ తర్వాత ఎన్టీఆర్ చేయనున్న సినిమా పనులు చకచకా సాగుతున్నాయి. జై లవకుశ తర్వాత మాటల మాంత్రికుడు త్రివిక్రమ్ శ్రీనివాస్ దర్శకత్వంలో నటించనున్నారు.

దీని తర్వాత దిల్ రాజు నిర్మాణంలో సినిమాకి సైన్ చేశారు. వీరి కలయికలో బృందావనం వచ్చింది. విజయం సాధించింది. మళ్ళీ వీరి కాంబినేషన్లో సినిమా అనగానే అభిమానుల్లో అంచనాలు పెరిగాయి. ఈ చిత్రానికి  “శ్రీనివాస కల్యాణం” అనే టైటిల్ ని రిజిస్టర్ చేయించినట్లు తెలిసింది. పేరు బట్టి బృందావనం మాదిరిగానే ఇది కూడా ఓ కుటుంబ కథ చిత్రమని తెలుస్తోంది. ఇక బాబీ దర్శకత్వంలో తెరకెక్కిన జై లవకుశ ఈనెల 21 న రిలీజ్ కానుంది. ఈ సినిమాపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.