జనతా గ్యారేజ్ సినిమా విడుదలై దాదాపు మూడు నెలలు కావస్తున్నా యంగ్ టైగర్ ఎన్టీఆర్ మౌనంగా ఉండడం వెనుక నాన్ స్టాప్ ప్లాన్ ఉంది. వచ్చే ఏడాది వరుసగా సినిమాలు చేయడానికి ఇప్పుడే కథలను ఫిక్స్ చేస్తున్నట్లు తెలిసింది. ఒకేసారి రెండు చిత్రాలు సెట్స్ మీదకు వెళ్లేలా ప్రణాళిక రచించారని ఎన్టీఆర్ సన్నిహితుల ద్వారా తెలిసింది. ముందుగా వచ్చే ఏడాది జనవరిలో అనిల్ రావిపూడి దరర్శకత్వంలో సినిమా మొదలవుతుంది. ఆ సినిమా సెట్స్ మీద ఉండగానే మాటల మాంత్రికుడు త్రివిక్రమ్ శ్రీనివాస్ తో ప్రాజెక్ట్ పట్టాలెక్కనుంది.
ఈ రెండు పూర్తి అయిన వెంటనే మరో రెండింటిని లైన్లో పెట్టనున్నారు. సూర్య తో సింగం సీరీస్ తీస్తున్న హరి డైరక్షన్లో ఒకటి, స్పీడ్ డైరక్టర్ పూరి జగన్నాథ్ కాంబినేషన్లో మరో చిత్రం ఏకకాలంలో షూటింగ్ చేయనున్నారు. ఇలా వచ్చే ఏడాది నాలుగు సినిమాలు చేయడానికి తారక్ ఫిక్స్ అయ్యారంట. వాటిని మూడు నెలలకు ఒకటి చొప్పున రిలీజ్ చేసేందుకు పక్కా ప్లాన్ తో ఉన్నట్లు సమాచారం. అయితే ఇక వచ్చే ఏడాది ఎన్టీఆర్ అభిమానులకు వరుస పండుగలు రానున్నాయన్నమాట.
Also, do SUBSCRIBE to our YouTube channel to get latest Tollywood updates.
