అత్యధిక టీఆర్పీ సాధించిన ఎన్టీఆర్, రవితేజ చిత్రాలు

యంగ్ టైగర్ ఎన్టీఆర్, మాస్ మహారాజ్ రవితేజ కి ఫ్యామిలీ ఆడియన్స్ ఎక్కువని మరో మారు నిరూపించారు. వారు నటించిన చిత్రాలు అత్యధిక టీఆర్పీ సాధించి ఔరా అనిపించాయి. తారక్ త్రి పాత్రాభినయం చేసిన “జై లవ కుశ” సూపర్ హిట్ అయింది. బాబీ దర్శకత్వంలో తెరకెక్కిన ఈ మూవీ 175 కోట్ల కలక్షన్స్ రాబట్టి ఎన్టీఆర్ సత్తాని చాటింది. ఈ చిత్ర శాటిలైట్ హక్కుల్ని సొంతం చేసుకున్న జెమినీ టీవీ ఈ నెల 13వ తేదీన జై లవకుశని తొలిసారి ప్రసారం చేసింది. అప్పుడు ఛానెల్ 17.7 టీఆర్పీ దక్కించుకుంది. టెలివిజన్ వర్గాలవారిని ఆశ్చర్యపరిచింది. మాస్ మహారాజ్ రవితేజ రాజా ది గ్రేట్ చిత్రాన్ని కూడా కుటుంబ ప్రేక్షకులు మిస్ కాకుండా చూసారు.

ఈ మూవీ గతవారం స్టార్ మా ఛానల్లో ప్రసారమైంది. అనిల్ రాఘవపూడి దర్శకత్వంలో తెరకెక్కిన ఈ సినిమాలో రవితేజ అంధుడిగా నటించారు. ఈ పాత్రలో రవితేజ నటనను చూసేందుకు టీవీలకు అతుక్కుపోయారు. ఈ ఛానల్ కి కూడా 17.7 టీఆర్పీ దక్కడం విశేషం. ఇలా రవితేజ, ఎన్టీఆర్ సినిమాలు వెండితెరపైనే కాకుండా బుల్లితెరమీద కూడా ఘనవిజయాన్ని సాధించాయి. ఎన్టీఆర్ జై లవకుశ తర్వాత త్రివిక్రమ్ దర్శకత్వంలో నటించనున్నారు. ఇది సెట్స్ మీదకు వెళ్ళలేదు. రవితేజ మాత్రం రాజా ది గ్రేట్ తర్వాత టచ్ చేసి చూడు సినిమాని కంప్లీట్ చేశారు. ఈ మూవీ ఫిబ్రవరి 2 న రిలీజ్ కానుంది.