బుల్లితెరపై సత్తాచాటనున్న ఎన్టీఆర్

దేశవ్యాప్తంగా యువతీ యువకులను ఆకట్టుకుంటున్న షో బిగ్ బాస్. ప్రపంచంతో సంబంధం లేకుండా ఒకే ఇంటిలో సెలబ్రిటీలు కొన్ని రోజులపాటు కలిసి ఉండే ఈ రియాల్టీ షో  హిందీలో బాగా పాపులర్ అయింది. ఈ కార్యక్రమంలో సల్మాన్ ఖాన్ హోస్ట్ గా ఉండి రేటింగ్స్ ని అమాంతం పెంచారు. ఈ షోని తెలుగు వారికి స్టార్ మా ఛానల్ వాళ్లు పరిచయం చేయబోతున్నారు. ఇక్కడివారితో బిగ్ బాస్ షో ప్రారంభించనున్నారు. ఇందులో హోస్ట్ గా ఎన్టీఆర్ ని ఎంచుకొని క్రేజ్ ని తీసుకొచ్చారు. ప్రస్తుతం తెలుగురాష్ట్రాలలోని యువతలో మంచి ఫాలోయింగ్ ఉన్న నటుడు ఎన్టీఆర్.

ఆయనైతే షోకి బాగుంటుందని భావించిన సదరు నిర్వహకులు తారక్ ని సంప్రదించగా ఒకే అన్నట్లు తెలిసింది. ఎన్టీఆర్ టీవీలో చేస్తున్న తొలి షో ఇది. అందుకే బుల్లితెర ఎంట్రీ  గ్రాండ్ గా ప్లాన్ చేసారని సమాచారం. ఈ షో గురించి అధికారిక ప్రకటన త్వరలో వెలువడనుంది. బాబీ దర్శకత్వంలో జై లవకుశ షూటింగ్ లో ఎన్టీఆర్ బిజీగా ఉన్నారు. ఈ మూవీ కంప్లీట్ కాగానే బిగ్ బాస్ షో కోసం డేట్స్ కేటాయించనున్నారు.

Also, do SUBSCRIBE to our YouTube channel to get latest Tollywood updates.