యంగ్ టైగర్ ఎన్టీఆర్ అభిమానులకు శుభవార్త. వారు ఎప్పటినుంచో ఎదురు చూస్తున్న కాంబినేషన్ సెట్ అయింది. మాటల మాంత్రికుడు త్రివిక్రమ్ శ్రీనివాస్ డైరక్షన్లో తారక్ నటించడం ఖరారు అయింది. రీసెంట్ గా త్రివిక్రమ్ ఎన్టీఆర్ కి సూపర్ కథను రెడీ చేయడం, ఆ స్టోరీకి ఫ్లాట్ అయిపోయి ఆయన ఓకే చెప్పడం కూడా జరిగిపోయింది. ప్రస్తుతం త్రివిక్రమ్ పవర్ స్టార్ పవన్ కళ్యాణ్ తో సినిమా చేసేందుకు సిద్ధమవుతున్నారు. ఎన్టీఆర్ కూడా బాబీ దర్శకత్వంలో యాక్షన్ మూవీకి కమిట్ అయ్యారు.
ఈ సినిమా ఈ నెల 9 వ తేదీన పూజా కార్యాక్రమాలు జరుపుకొని, వచ్చే నెల నుంచి సెట్స్ మీదకు వెళ్లనుంది. ఎన్టీఆర్ ఆర్ట్స్ బ్యానర్లో నందమూరి కళ్యాణ్ రామ్ నిర్మించనున్న ఈ ఫిల్మ్ తర్వాత త్రివిక్రమ్ తో కలిసి అడుగులు వేయనున్నారు. అప్పటి లోపున పవన్ చిత్రాన్ని త్రివిక్రమ్ పూర్తి చేస్తారు. జులై నుంచి ఇద్దరికీ రిలాక్స్ టైమ్ దొరకడంతో అప్పటి నుంచి షూటింగ్ మొదలు పెట్టాలని భావిస్తున్నారు. అంతా అనుకున్నట్లు జరిగితే 2018 సంక్రాంతికి ఎన్టీఆర్ 28 మూవీ హంగామా సృష్టించడం ఖాయం.
Also, do SUBSCRIBE to our YouTube channel to get latest Tollywood updates.
