హ్యాట్రిక్ హిట్ తో దూసుకుపోతోన్న ఎన్టీఆర్ ప్రస్తుతం బాబీ దర్శకత్వంలో జై లవకుశ చేస్తున్నారు. తారక్ తొలిసారి త్రిపాత్రాభినయం చేస్తున్న ఈ సినిమా వేగంగా షూటింగ్ జరుపుకుంటోంది. సెప్టెంబర్ 21వ తేదీన ఈ చిత్రాన్ని రిలీజ్ చేయాలనీ నిర్మాత కళ్యాణ్ రామ్ భావిస్తున్నారు. జై లవకుశ రిలీజ్ అయిన తర్వాత విశ్రాంతి తీసుకోకుండా తన డ్రీమ్ ప్రాజక్ట్ ని పట్టాలెక్కించడానికి ఎన్టీఆర్ సిద్ధమయ్యారు. మాటల మాంత్రికుడు త్రివిక్రమ శ్రీనివాస్ దర్శకత్వంలో నటించాలనే తన కల మరికొన్ని నెలల్లో నెరవేరబోతోంది. ఆనందంలో ఉన్న నందమూరి అభిమానులకు ఈ సినిమా గురించి తాజా ఆప్టేడ్… ఇందులో హీరోయిన్ కూడా ఫిక్స్ అయింది.
నాని సినిమా ‘మజ్ను’తో తెలుగు తెరకు పరిచయమైన అను ఇమ్మాన్యుయేల్ ని ఎన్టీఆర్ కి జోడీగా తీసుకున్నట్లు ఫిలిం నగర్ వర్గాల వారు తెలిపాయి. ప్రస్తుతం ఈ బ్యూటీ పవన్ పక్కన నటిస్తోంది. ఈ సినిమాలో ఆమె నటనకి ఫిదా అయిన త్రివిక్రమ్ తన నెక్స్ట్ సినిమాలోనూ అవకాశం ఇచ్చినట్లు తెలిసింది. హారిక అండ్ హాసిని బ్యానర్లో రాధా కృష్ణ నిర్మించనున్న ఎన్టీఆర్ 28 సినిమా నవంబర్ లో సెట్స్ మీదకు వెళ్లనుంది.
Also, do SUBSCRIBE to our YouTube channel to get latest Tollywood updates.
