అక్క హీరోయిన్‌గా రాణించే చోట… చెల్లి హీరోయిన్‌గా ఎంటర్‌ అయిన సందర్భాలు మనం గతంలో టాలీవుడ్‌లో చూశాం. బాలీవుడ్‌లో అయితే ఇలా వచ్చిన వాళ్లు స్టార్ హీరోయిన్లు అవ్వగా… టాలీవుడ్‌లో మాత్రం ఇబ్బందికర ఫలితాలు ఎదుర్కొని సినిమాలు తగ్గించేశారు. అయితే అక్కకు హిట్లు లేని చోట చెల్లి హీరోయిన్‌గా రావడం గతంలో పెద్దగా జరగలేదు. అయితే ఇప్పుడు జరగబోతోంది. ఆ అక్కాచెల్లెళ్లే కృతి సనన్‌… నుపుర్‌ సనన్‌. తెలుగులో ‘వన్‌ నేనొక్కడినే’, ‘దోచెయ్‌’, ‘ఆదిపురుష్‌’ చిత్రాలతో స్టార్ హీరోయిన్‌ అయ్యే ప్రయత్నం చేసి ఇబ్బందిపడింది కృతి సనన్‌.
అయితే ఆమె సోదరి నుపుర్‌ ఇప్పుడు టాలీవుడ్‌కి వచ్చింది. రవితేజ ‘టైగర్‌ నాగేశ్వరరావు’ సినిమాతో ఆమె టాలీవుడ్‌ ఎంట్రీ ఇస్తోంది. అయితే హీరోయిన్‌ ఇప్పటికే ఆమె నవాజుద్దీన్‌ సిద్ధిఖీతో బాలీవుడ్‌లో నటించేసి మెప్పించేసింది. ఇక ‘టైగర్‌ నాగేశ్వరరావు’ వంశీ దర్శకత్వంలో రూపొందింది. ఈ సినిమా పాన్‌ ఇండియా స్థాయిలో అక్టోబరు 20న ప్రేక్షకుల ముందుకొస్తోంది. అక్క తర్వాత వస్తున్నారు కదా… ఏమన్నా టిప్స్‌ తీసుకున్నారా అని అడిగితే… ‘టైగర్‌ నాగేశ్వరరావు’తో తొలి అవకాశం వచ్చినప్పుడు అక్క ఎక్కువగా సలహాలు ఇవ్వలేదు.
నువ్వు నీలా ఉండు అని మాత్రమే చెప్పింది. నేను (Nupur Sanon) కూడా అదే చేశాను. రోజూ ఉదయం కాఫీ సమయంలో కలసి సినిమాల గురించి మాట్లాడుకుంటాం అని చెప్పిన నుపుర్‌… తన సినిమా విడుదలయ్యే రోజు ఉదయాన్నే నిద్రలేవను అని చెప్పింది. ఎందుకంటే ఆ రోజు తన నటన గురించి కృతి మాట్లాడుతుందేమోనని అని అంది. తొలినాళ్లల్లో తెలుగు సినిమాలు పెద్దగా చూడలేదని, కానీ కానీ హీరోయిన్‌ అవ్వాలని అనుకున్నాక… భాషతో సంబంధం లేకుండా అన్ని సినిమాలూ చూస్తున్నా అని చెప్పింది.
తెలుగులో ‘మగధీర’ నుండి చూస్తోందట. తెలుగులో మీకు ఇష్టమైన హీరో, హీరోయిన్లు ఎవరు అంటే… సాయిపల్లవి, అనుష్క శెట్టి, కీర్తి సురేశ్‌ పేర్లు చెప్పింది. హీరోయిన్‌ ఓరియెంటెడ్‌ సినిమాల కారణంగా వాళ్లు ఇష్టమట. ఇక నాని, రామ్ పోతినేని, విశ్వక్‌సేన్‌ నటన అన్నా ఇష్టమని క్లారిటీ ఇచ్చింది. కాబట్టి వాళ్ల నెక్స్ట్‌ సినిమాలకు నుపుర్‌ ఓ కర్చీఫ్‌ వేసిందని చెప్పొచ్చు.
గత 10 సినిమాల నుండి రామ్ బాక్సాఫీస్ పెర్ఫార్మన్స్ ఎలా ఉందంటే..?
‘బిగ్ బాస్ 7’ కంటెస్టెంట్ శుభ శ్రీ గురించి ఈ 14 విషయాలు మీకు తెలుసా?
‘బిగ్ బాస్ 7’ కంటెస్టెంట్ టేస్టీ తేజ గురించి 10 ఆసక్తికర విషయాలు
