టెంపర్ సినిమా నుంచి అరవింద సమేత సినిమా వరకు వరుసగా ఐదు విజయాలను ఖాతాలో వేసుకున్న జూనియర్ ఎన్టీఆర్ ఆర్ఆర్ఆర్ సినిమాతో డబుల్ హ్యాట్రిక్ సాధిస్తారని ఫ్యాన్స్ భావిస్తున్నారు. ఎన్టీఆర్ భవిష్యత్తు సినిమాలు పాన్ ఇండియా సినిమాలుగా తెరకెక్కనుండగా పాన్ ఇండియా సినిమాలను తెరకెక్కించే సత్తా ఉన్న కొరటాల శివ, ప్రశాంత్ నీల్ కు తారక్ గ్రీన్ సిగ్నల్ ఇవ్వడం గమనార్హం. ఈ మధ్య కాలంలో బాలకృష్ణ, జూనియర్ ఎన్టీఆర్ ఒకే వేదికపై కనిపించలేదనే విషయం తెలిసిందే.
అఖండ సినిమా ప్రీ రిలీజ్ ఈవెంట్ కు హాజరు కావాలని బాలకృష్ణ జూనియర్ ఎన్టీఆర్ కు ప్రత్యేక ఆహ్వానం పంపారని తెలుస్తోంది. ఇప్పటికే రిలీజైన అఖండ ట్రైలర్ సినిమాపై అంచనాలను పెంచగా అఖండ మేకర్స్ ఈ సినిమా ప్రీ రిలీజ్ ఈవెంట్ ను గ్రాండ్ గా నిర్వహించనున్నారని తెలుస్తోంది. డిసెంబర్ 2వ తేదీన అఖండ రిలీజ్ కానుండగా ఈ నెల 27వ తేదీన ఈ సినిమా ప్రీ రిలీజ్ ఈవెంట్ జరగనుంది. అఖండ ప్రీ రిలీజ్ ఈవెంట్ కు భారీస్థాయిలో అభిమానులు హాజరయ్యే ఛాన్స్ ఉందని సమాచారం అందుతోంది.
ఒకే వేదికపై బాలయ్య, ఎన్టీఆర్ లను చూడాలని అభిమానులు కళ్లు కాయలు కాచేలా ఎదురుచూస్తున్నారు. నెలరోజుల గ్యాప్ లో బాబాయ్ అబ్బాయ్ సినిమాలు రిలీజ్ కానుండగా ఈ రెండు సినిమాలు సక్సెస్ సాధించాలని అభిమానులు కోరుకుంటున్నారు. భవిష్యత్తులో బాలకృష్ణ, జూనియర్ ఎన్టీఆర్ కాంబినేషన్ లో సినిమా రావాలని అభిమానులు భావిస్తున్నారు.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
