Rajamouli: ఆర్ఆర్ఆర్ లో అది కాపీ కొట్టారా?

స్టార్ డైరెక్టర్ రాజమౌళికి ప్రేక్షకుల్లో ఉండే క్రేజ్ అంతాఇంతా కాదు. రాజమౌళి డైరెక్షన్ లో తెరకెక్కే సినిమాల కోసం విదేశీ అభిమానులు సైతం ఆసక్తిగా ఎదురుచూస్తున్నారు. ఈ మధ్య కాలంలో భారీ బడ్జెట్ తో సినిమాలను తెరకెక్కిస్తూ ఆ సినిమాలతో ఇండస్ట్రీ హిట్లు సాధిస్తున్న రాజమౌళి ఆర్ఆర్ఆర్ మూవీ ప్రమోషన్స్ విషయంలో వేగం పెంచారు. వరుసగా సినిమాకు సంబంధించిన అప్ డేట్లను ఇస్తూ తారక్, చరణ్ ఫ్యాన్స్ సంతోషానికి రాజమౌళి కారణమవుతున్నారు.

ఈ సినిమాలో చరణ్, తారక్ చేతులు పట్టుకుంటూ కనిపించిన పోస్టర్ ప్రేక్షకులను ఎంతగానో ఆకట్టుకుంది. ఈ నెల ఒకటవ తేదీన విడుదలైన దోస్తీ సాంగ్ చివరలో కూడా ఎన్టీఆర్, చరణ్ చేతులు పట్టుకోవడం చూపించగా హాలీవుడ్ మూవీ స్టార్ వార్స్ లో కూడా ఇదే విధంగా చేతులను పట్టుకునే సీన్ ఉంటుందని నెటిజన్లు కామెంట్లు చేస్తున్నారు. జక్కన్న నిజంగానే కాపీ కొట్టారా..? లేదా..? అనే ప్రశ్నకు సమాధానం తెలియాల్సి ఉంది.

ఆర్ఆర్ఆర్ టీజర్లు రిలీజైన సమయంలో కూడా కాపీ కామెంట్లు వినిపించిన సంగతి తెలిసిందే. రాజమౌళి గత సినిమాల విషయంలో కూడా కొన్ని సీన్లు కాపీ కొట్టారనే విమర్శలు వ్యక్తమయ్యాయి. మరోవైపు ఈ నెల 1వ తేదీన విడుదలైన దోస్తీ పాట సోషల్ మీడియాను షేక్ చేస్తోంది. ఈ పాటకు రికార్డు స్థాయిలో వ్యూస్ వస్తున్నాయి. ప్రస్తుతం ఉక్రెయిన్ లో ఆర్ఆర్ఆర్ షూటింగ్ జరుగుతుండగా మరికొన్ని రోజుల్లో ఈ సినిమా షూటింగ్ పూర్తికానుంది.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!